Ómirzaq Shókeev Jańaózen qalasynyń ákimi men jaýapty tulǵalarǵa tapsyrmalar berdi
ASTANA. 27 jeltoqsan. QazAqparat - Búgin Ó.Shókeev Jańaózen qalasyna kelip, qalpyna keltirilgen jumystardyń barysymen tanysty.
Komıssııa basshysy ákimdik ǵımaraty men basqa da nysandardy aralady. Bul týraly pm.kz. saıtynda habarlanǵan. Qaladaǵy qalpyna keltirý jumystary tolyq qarqynmen júrip jatyr, ákimdik ǵımaratyn árleý jumystaryn daıyndaıtyn jáne jobalaıtyn qurylysshylar, jobalaýshylar tartylǵan. Janyp ketken ǵımarattardy buzý jumystaryn «QazMunaıGaz» AQ júrgizedi.
Úkimettik komıssııa basshysyna ákimdik jumysyn qalpyna keltirýge qajetti quraldardyń jartysy satyp alynyp, Jańaózenge jetkizilip jatqany habarlandy.
Ó.Shókeev Jańaózen qalasy máslıhatynyń depýtattarymen kezdesti. Úkimettik komıssııaǵa qaladaǵy qalpyna keltirý jumystary qalaı júrgizilip jatqanyn, qandaı kúsh tartylyp, qansha qarajat bólinip jatqany aıtyldy. Kezdesýde depýtattar Jańaózen qalasynyń turǵyn úı-kommýnaldyq sharýashylyq máselelerine qatysty suraqtar qoıdy. Jekelegen máseleler boıynsha komıssııa basshysy ákimge jáne jaýapty tulǵalarǵa tapsyrma berdi.
