Ómirzaq Shókeev: úzdik qurylysshylardy yntalandyrý kerek
TÚRKІSTAN. QazAqparat -Túrkistan qalasynda qarqyn alǵan turǵyn úı qurylysyn aralap shyqqan óńir basshysy Ómirzaq Shókeev turǵyndarǵa qolaıly jaǵdaı jasap, bilikti qurylysshylardy tıimdi jumysqa yntalandyrýdy tapsyrdy, dep habarlaıdy QazAqparat oblysy ákiminiń baspasóz qyzmetine ilteme jasap.
Óńir basshysy daıyn páterlerdiń sapasyn tekserip, jumys kestesinen qalys qalǵan kompanııa jetekshilerin qatań synǵa aldy.
Bilikti qurylysshylarǵa qoldaý kórsetý týraly oblys ákiminiń bastamasyn tolyǵymen qoldaǵan jaýapty sala basshylary aıqyndalǵan tapsyrmalardy tıimdi júzege asyrýdy mejelep otyr. Qazirgi ýaqytta Túrkistan qalasynda 24 turǵyn úı qurylys nysandary salynyp jatyr. Jospar boıynsha baspanalar jyl sońyna deıin túrkistandyqtarǵa tapsyrylady.
Shahardyń ákimshilik-iskerlik ortalyq aýmaǵynda 7 qabatty 14 turǵyn úı men 12 qabatty 29 turǵyn úıdiń, Batys Qytaı-Batys Eýropa tas jolynyń boıynda 7 qabatty 10 turǵyn úı qurylysy júrgizilýde.
Oblys basshysy qala ortalyǵyndaǵy jelilik saıabaqtyń aıaqtalýǵa jaqyn turǵan kógaldandyrý jumystaryn baqylap, aspan astynda ornalasqan basseınde boldy. Erekshe joba maýsym aıynda ashylady.
