Ómirzaq Shókeev: Túrkistannyń túrki áleminiń rýhanı astanasy atanýy – tarıhı ádildik

NUR-SULTAN. QazAqparat – «Túrkistan – túrki áleminiń rýhanı astanasy atty» halyqaralyq beınekonferentsııa ótip jatyr, dep habarlaıdy QazAqparat tilshisi.

Túrkistan oblysynyń ákimi Ómirzaq Shókeev Túrkistan qalasynyń túrki áleminiń rýhanı astanasy bolyp jarııalanýyn tarıhı ádildik dep baǵalaıtynyn aıtty.

«Bıylǵy jyldyń kóktemi oblys úshin jaqsy jańalyqtarmen bastaldy. 31 naýryzda «Túrkistan – túrki áleminiń rýhanı astanasy» taqyrybynda ótken túrki tildes memleketterdiń yntymaqtastyq keńesiniń beıresmı sammıti óte tabysty aıaqtaldy. Ári tarıhı ádildik ornap, Túrkistan túrki áleminiń rýhanı astanasy bolyp bekitildi. Osy oraıda barshańyzdy Túrkistannyń jańa tarıhı kezeńiniń bastalýymen quttyqtaımyn», - dedi oblys ákimi.

Eske salsaq, 31 naýryzda TMYK-tyń beıresmı sammıti onlaın rejımde ótken bolatyn.