Ómirzaq Shókeev Túrkistannyń rýhanı ortalyǵynda salynyp jatqan nysandardy aralady
TÚRKІSTAN. QazAqparat – Túrkistan oblysynyń ákimi Ómirzaq Shókeev Túrkistannyń rýhanı-mádenı ortalyǵynda boı kótergen ǵımarattar men áleýmettik nysandardyń qurylysyn aralady. Merdigerlermen kezdesip, olarǵa jumysty shıratýdy tapsyrdy, dep habarlaıdy QazAqparat tilshisi.
Aımaq basshysy qurylys kompanııa ókilderimen kezdesýi barysynda kelisim-shartta kórsetilgen tıisti mindetterdi buzǵandar men kesteden keshikkenderge tıisti sharalar kóriletinin qadap aıtty.
«Aqtalý abyroı ákelmeıdi. Júktelgen mindettiń júgi aýyr bolsa, álek bolmaý kerek. Basqalarǵa jol berilsin. Bul salada sebep pen syltaý súıregenderge oryn joq»,-dedi oblys ákimi.
Ómirzaq Shókeev aralaǵan kezekti nysandardyń biri ǵylymı-ámbebap kitaphanasynyń syrtqy jáne ishki árleý, ınjenerlik jelilerin montajdaý jáne qural-jabdyqtardy ornatý jumystary júrgizilýde.
Qurylys basynda 184 jumysshy bar. Nysannyń kestege sáıkes aıaqtaý jáne qural-jabdyqtaryn ornatý kezeńi jeltoqsan aıyna josparlanǵan.
Óńir basshysy qurylysy aıaqtalǵan Drama teatr men «Uly dala eli» ortalyǵynda boldy. Teatrda sahnalyq qural-jabdyqtar men jıHazdaryn ornatý, ınjenerlik jelilerin montajdaý jumystary júrgizilýde.
Drama teatr aýmaǵy abattandyrylýda. Jolaıaq tóselip, kógaldandyrý jumystary júrip jatyr. Sýburqaqtardyń syrtyn granıtpen qaptalyp qondyrǵylary ornatylǵan.
«Uly dala eli» ortalyǵy qurylys-montajdaý jumystary tolyǵymen aıaqtalǵan. Búgingi tańda medıa quraldaryn iske qosý, úıretý jumystary júrgizilýde.
Osydan bir jyl buryn irgetasy qalanǵan 630 oryndyq kópsalaly aýrýhananyń qurylysy memlekettik jekemenshik áriptestik baǵdarlamasy sheńberinde júzege asyrylýda.
«Sembol construction» túrik kompanııasynyń qarjylandyrýymen salynyp jatqan keshendi emdeý ortalyǵy keler jyly paıdalanýǵa beriledi dep josparlanǵan.
Jalpy aýmaǵy 16 gektar jerdi alatyn kópsalaly aýrýhanada dıagnostıkalyq keńes kórsetýden bastap neırohırýrgııa, ýrologııa, jaraqat, qaterli isik aýrýlary syndy medıtsınalyq kómek kórsetetin bólimder jumys isteıdi.
Ǵımarat tolyqtaı zamanaýı medıtsınalyq qural-jabdyqtarmen qamtamasyz etilmek.
