Ómirzaq Shókeev Túrkistan óńiriniń azyq-túlik beldeýine baǵa berdi
TÚRKІSTAN. QazAqparat - Túrkistan qalasynyń aýmaǵynda azyq-túlik beldeýin qurý josparynyń aıasynda baǵyty men baǵdary belgilengen birqatar aýqymdy jobalar iske asýda, dep habarlaıdy QazAqparat.
Oblys ákimdiginiń baspasóz qyzmetinen málim etkendeı, óńirdiń áleýmettik-ekonomıkalyq damytýynyń 2024 jylǵa deıingi keshendi jospary aıasynda, Túrkistan aýmaǵynda 11 myń gektarǵa azyq-túlik beldeýin qurý josparlanyp, búginde aýqymdy jumystar bastaldy. Egistik basynda bolǵan oblys ákimi Ómirzaq Shókeev atqarylyp jatqan iske oń baǵasyn berdi. Atap aıtqanda, «Túrkistan Agro HHІ» JShS- quny – 1,7 mlrd. teńge bolatyn «733 ga jańbyrlatyp sýarý tehnologııasyn endirý jáne MTS qurý» jobasyn iske asyrýda. Atalǵan seriktestiktiń jer kólemi 1046 ga quraıdy, 108 sharýaqojalyq biriktirilgen. Ol jerde AQSh-tyń «T-L» kompanııasynyń 18 jańbyrlatyp sýarý mashınalary ornatylyp, 200 ga kúzdik bıdaı, 322,5 ga jońyshqa egilgen. Jazdyq bıdaı men júgeri egýge jer daıyndaý júrgizilýde.
«Túrkistan qalasynyń aýmaǵynda azyq-túlik beldeýin qurý josparynyń aıasynda júzege asyp jatqan birqatar aýqymdy jobalardyń aıaq alysy jaqsy. Jańbyrlatyp sýarý tehnologııasynyń artyqshylyǵy kóp. Eń aldymen myńdaǵan gektar alqapty sýarý jaǵynan týatyn qıyndyq sheshildi. ıAǵnı, bizdiń aýmaqqa óte tıimdi ádis. Qýaryp, bos jatqan jerlerde azyq-túlik beldeýi qalyptasyp, ájepteýir nátıje berip otyr. Bul jerlerge aryq qazyp, sý ákelýdiń tıimsiz ekenin túsinip, jańa ádisti qolǵa aldyq. AQSh-tan arnaıy qondyrǵylar aldyrdyq. Kóp kúttirmeı, jemisin kórer kún alys emes», - dedi Ómirzaq Shókeev.
«Jańbyrlatyp sýarý tehnologııasynyń artyqshylyǵy kóp. Eń aldymen myńdaǵan gektar alqapty sýarý jaǵynan týatyn qıyndyq sheshildi. ıAǵnı, bizdiń aýmaqqa óte tıimdi ádis. Qýaryp, bos jatqan jerlerde azyq-túlik beldeýi qalyptasyp, ájepteýir nátıje berip otyr. Buryn 1 gektardan 12-15 myń tekshe metr sý shyǵyndalsa, qazir onyń kólemi eki ese azaıdy. Osylaısha, tıimdiligin túsinip, jańa ádisti qolǵa aldyq. AQSh-tan arnaıy qondyrǵylar aldyrdyq. Kóp kúttirmeı, jemisin kórer kún alys emes», - dedi oblys basshysy.
Arys-Túrkistan kanaly arqyly munda sý tórt júıemen keledi. Úlken basseın salynǵan. Qondyrǵylardyń barlyǵyna qubyr arqyly sý jetkizilip turady. 26 birlik zamanaýı aýyl sharýashylyǵy tehnıkalary, Djondır traktory, Djondır kombaıny jáne basqa da sharýashylyqqa qajetti qondyrǵydar alyndy. Alynatyn jem shóp qory, ıtalıandyq tehnologııamen quny 3,5 mlrd. tg bolatyn «1200 basqa arnalǵan taýarly-sút fermasy» jobasy azyqpen qamtamasyz etetin bolady.
Sonymen qatar, «SPK-SAURAN» AShÓK quny – 1,5 mlrd. teńge bolatyn «650 ga jańbyrlatyp sýarý tehnologııasyn endirý» jobasyn iske asyrýda. Qazirgi tańda AQSh-tyń «Valmont Industries» kompanııasymen 3 jańbyrlatyp sýarý mashınalary 153 ga aýmaqqa ornatylsa, qalǵan 9 birligi aldaǵy qyrkúıek aıyna deıin iske qosylady. Alynatyn jem shóp qory avstralııalyq tehnologııamen quny 2 mlrd. tg bolatyn «10 myń basqa arnalǵan iri qara mal bordaqylaý alańyn» azyqpen qamtamasyz etetin bolady. Óńirde «Ordabasy-qus» JShS-men quny – 938,4 mln. teńgeni quraıtyn «782 ga 9 birlik jańbyrlatyp sýarý tehnologııasyn endirý» jobasy iske asatyn bolady. Onda 71 jer ıelenýshi sharýashylyqtar birigip, júgeri daqylyn egýge kiristi. Alynatyn ónim esebinen jylyna 8 100 tonna kúrke taýyq etin atalǵan óndirý kásipornyn azyqpen qamtamasyz etetin bolady.
«KAZAGRO PROJECT» JShS-men quny – 12,8 mlrd. teńge bolatyn «Jylyna 20 myń tonna qus etin óndirý» jobasy iske aspaq. Joba aıasynda 5 myń tonna qus etin etin óndirý josparlanǵan. Atalǵan baǵytta búginde seriktestiktiń qarjylaı kepildemesi anyqtalyp, «Túrkistan» ÁKK» UK» AQ-men birlesken kásiporyn qurý jumystary júrgizilýde.
