Ómirzaq Shókeev Túrkistan qalasyndaǵy birqatar qurylys nysanyn tekserdi
TÚRKІSTAN. QazAqparat - Túrkistan qalasynda kólik nópiri kóbeıgendikten, keptelistiń aldyn alý maqsatynda birqatar kóshe keńeıtilip, taǵy birazy jóndeýden ótip, birneshe jańa joldar tóselmek, dep habarlaıdy Túrkistan oblysy ákimdiginiń baspasóz qyzmeti.
Túrkistan oblysy ákimdiginiń baspasóz málimetterine qaraǵanda, oblys ákimi Ómirzaq Shókeev qurylysy bastalǵan ıAsaýı kóshesiniń jobasymen tanysty.
Memleket qazynasynan kerekti qarajat bólingen jańa joldyń aınalasyna jolaıaq tóselip, jan-jaǵy jasyl jelekke oranbaq. Aımaq basshysy jańa kósheniń qurylysyn júrgizip jatqan merdiger mekemeniń basshylyǵyna jol salý tehnologııasynyń talaptaryn qatań ustanýdy talap etti. Arnaıy jumysshy topty basqarǵan Ómirzaq Estaıuly shaharda salynǵan sý arnalary men gúlzarlardy aralap kórdi. Qaladaǵy ekologııalyq ahýaldy turaqtandyryp, qolaıly klımat qalyptastyrý maqsatynda shahardy aınala «Jasyl beldeý» qurylǵan.
Tórt jyl ishinde 4 mln túp kóshet otyrǵyzylyp, kóshe qala ný ormanǵa aınalmaq. Aımaq basshysy Túrkistan qalasyndaǵy temirjol vokzalyn aralap kórip, jańadan soǵylatyn gúlzar men vokzal aımaǵyndaǵy abattandyrý jumystarynyń jobasymen tanysty.
Temirjol vokzalynyń aınalasynda kúrdeli jóndeý júrigizilip, joldar jańadan tóseledi. Sonymen qatar, Ómirzaq Shókeev Qoja Ahmet ıAsaýı kesenesiniń aınalasyn abattandyrý jobasyn tekserdi. Bul sheshim Dúnıejúzilik mura máseleleri jónindegi ıÝNESKO otyrysynda qabyldanǵan bolatyn.
Qazir qurylys aýmaǵy tegistelip, tazartylýda. Túrkistan oblysynyń álemdik deńgeıde mádenı damýyn, halyqaralyq týrızmdi damytý men saqtaý jáne Uly Jibek jolynyń dástúrli qolónerin jandandyrý kózdelgen.
