Ómirzaq Shókeev Túrkistan fýtbol stadıony nelikten qymbatqa salynǵanyn túsindirdi
«Samuryq-Qazyna» qory birneshe nysan salyp, syıǵa artty. Sonyń biri - 7 myń orynǵa arnalǵan stadıon. Odan keıin Kongress-Holl, Oqýshylar saraıyn, Ahmet ıAsaýı murajaıyn, Amfıteatrdy syıǵa tartty. Sapalary óte joǵary, qazirgi zamannyń barlyq talaptaryna saı nysandar « , - dedi Ómirzaq Shókeev Ortalyq kommýnıkatsııalar qyzmeti alańynda ótken baspasóz máslıhatynda.
Osy rette oblys basshysy BAQ ókilderiniń Túrkistandaǵy fýtbol stadıonyna 31 mln dollar jumsalǵanyna jáne mundaı qarajatqa Eýropada 20-25 myń adamdyq stadıon salynatyndyǵyna qatysty saýalyna jaýap berdi.
«Eýropadaǵy jáne bizdegi stadıondardy salystyrýǵa kelmeıdi. Eýropanyń fýtbol stadıondarynda tek alań men trıbýna ǵana bolady. Bizdegi kópbeıindi stadıon sanalady. Alańy, jeńil atletıkamen aınalysatyn joly, trıbýna astynda gımnastıka, aýyr atletıka, ıoga syndy sportpen aınalysýǵa arnalǵan zaldary bar. Mamandar ázirshe bul stadıonǵa 7 myń oryn jetedi dep otyr. Oryn jetpese qaqpa artyna jáne jalǵastyryp taǵy oryndyq qoıýǵa bolady», - dedi Ómirzaq Shókeev.