Ómirzaq Shókeev shetelde oqýdy qyzyl dıplommen bitirip kelgen - Nursultan Nazarbaev
Shetelde oqyp kelgender biraz qıynshylyqtarǵa tap bolǵan. Soǵan qaramastan, oqýdy úzdik bitirip kelgender az emes.
«Nur Otan» partııasynyń XVIII sezinde «Bolashaq» baǵdarlamasynyń túlegi Ábýtálip Mútáli barlyq túlekterdiń atynan shetelde alǵan bilimin el ıgiligi úshin jumsaıtynyn aıtyp, ýáde berdi. Osy kezde Prezıdent «Bolashaq» baǵdarlamasynyń mańyzyn erekshe atap ótti.
«Bolashaqpen» oqýǵa barǵan balalardyń basqalardan eshbir aıyrmashylyǵy joq. Qazaqtyń ishinen matematık te, fızık te shyǵady. Bizdiń ishimizden shyqqan sen sııaqty balalar «Bolashaqtyń» armanyn oryndasa, jaqsy bolar edi», - dedi N.Nazarbaev
Osy oraıda Prezıdent «Bolashaq» baǵdarlamasyna deıin shetelde oqyp kelgen aǵa býynnyń tájirıbesi týraly áńgime órbitti.
«Sender ǵana emes, senderden buryn da aqyldy aǵalaryń bar ǵoı. Myna janymyzda otyrǵan Ómirzaq Shókeev aǵań Máskeýge oqýǵa barǵanda birinshi kýrsta bir aýyz oryssha bilmepti. Sońynda ýnıversıtetti qyzyl dıplommen bitirip shyqty. Kórdińder me? Matematıka-kıbernetıka mamandyǵy boıynsha oqydy. Qazir Túrkistandy dúrildetip salyp jatyr», - dep atap ótti N.Nazarbaev.
Aıta keteıik, búgin Memleket basshysy Nursultan Nazarbaev kópbalaly otbasylarda ár balanyń járdemaqysyn 21 myń teńgege deıin arttyrýdy tapsyrdy. Budan bólek, múgedek balalardy asyrap otyrǵan otbasylardyń járdemaqysy 30 protsentke ósedi. Ákimdik qyzmetkerleriniń jalaqysy da kóteriledi. Prezıdenttiń «Nur Otan» partııasynyń XVIII sezinde sóılegen sózin myna jerden oqýǵa bolady.
