Ómirzaq Shókeev: Shardarany damytýǵa kúsh salamyz
TÚRKІSTAN. QazAqparat - Túrkistan oblysynyń ákimi Ómirzaq Shókeev kúrdeli jóndeýden ótken Shardara qalasyndaǵy kópqabatty úılerdiń turǵyndarymen kezdesti oblys ákiminiń baspasóz qyzmetine silteme jasap.
Oblys ákimi jınalǵan jurtqa aýdandaǵy birqatar kúrdeli máseleniń túıinin tarqatyp aıtty.
«Turǵyn úı-qoryn jańǵyrtý» baǵdarlamasy aıasynda kondomınıým qurylyp, tutastaı jańarǵan úılerdiń qazirgi jaǵdaıy turǵyndardyń kóńilinen shyqqan.
«Halyqtyń alǵysy - eńbektiń shynaıy baǵasy. Sizderdiń osyndaı keremet kóńil-kúılerińizdi kórý biz úshin óte mańyzdy. Aýdanda qordalanǵan máseleler barshylyq. Ásirese aýyz sý máselesi ózekti. Kezeń-kezeńmen bul qıyndyqtar da sheshimin tabady. Kópqabatty turǵyn úılerge gaz jetkizip, jylýmen qamtamasyz etý de josparly túrde júzege asady. Shardarany damytýǵa kúsh salamyz», - dedi oblys ákimi turǵyndarmen kezdesý kezinde.
Aımaq basshysy Shardara aýdanyna jumys sapary barysynda Aqberdi eldi mekenindegi GRS-18 gaz taratý stansasynda boldy. Búginde aýdan halqynyń teń jartysy gazben qamtylǵan. Aldaǵy 4 jylda taǵy 16 eldi mekenge kógildir otyn jetkizilip, Shardara aýdany 96,8%-ǵa tabıǵı gazben qamtamasyz etiledi.
Ómirzaq Shókeev aýdandaǵy birqatar kásiporyndardy aralap, jańa jobalarmen tanysty. Eýropa naryǵyna balyq eksporttaýdyń kózin tapqan zaýytta bolyp, qanatqaqty jobanyń josparymen tanysty. Kásiporyn muzdatylǵan sazan men kókserke balyǵyn Germanııa, Danııa, Lıtva men Reseıge eksporttaıdy. Zaýyt alda keńeıtilip, qaqtalǵan balyq jáne balyq jemi men maıyn shyǵarmaq.
Sapar barysynda aımaq basshysy Shardara sý qoımasynda júrip jatqan seısmıkalyq tózimdilikti kúsheıtý jáne jóndeý jumystarynyń sapasyn tekserdi. Aýqymdy jumystyń aıaqtalý merzimi keler jyldyń jeltoqsanyna josparlanǵan.
Shardara – shalqar kól. Jaǵalaýy shańsyz altyn qum. ıAǵnı, ishki týrızmdi damytýǵa naǵyz laıyq jer. Kóldiń jaǵalaýynda demalys oryndaryn kóbeıtý kózdelgen.
Úkimet tarapynan maquldanǵan jobanyń ınjenerlik ınfraqurylym júıeleriniń qurylysy júrgizilýde. Sondaı-aq, Qyzylqum sý arnasyn jańǵyrtý jumysyna da asa mán berilgen.
Ómirzaq Shókeev jumys sapary barysynda ınvestorlar tarapynan júzege asyp jatqan jobalarmen tanysty. Kórshi Ózbekstan memleketiniń kásipkerlermen birlesken joba jańa tehnologııalardy qoldaný arqyly maqta daqylyn ósirýmen aınalysýdy qolǵa alǵan.
Sonymen qatar Dostyq aýyldyq okrýginde ornalasqan qaýynǵaq ónimderin shyǵaratyn kásipornyn jobasynyń jetekshilerimen júzdesti. Jańa óndiris orny nemis tehnologııasynyń kómegimen táýligine 1,5 tonna qaýynǵaq ónimderin shyǵarady. Ol úshin óńirde barlyq qolaıly jaǵdaı jasalǵan.
