Ómirzaq Shókeev Saıram aýdanyndaǵy sharýalarmen Elbasy Joldaýyn talqylady
Qarqyndy baý sharýashylyǵyndaǵy birshama jetistikterge kýá bolǵan Ómirzaq Shókeev oblysta jemis-jıdek, júzim sharýashylyǵynyń egis kólemin ulǵaıtý, gektar túsimdiligin arttyrý máselesi barlyq ýaqytta kún tártibinen túspeı, árdaıym damyp kele jatqanynan habardar boldy. Atalǵan qarqyndy baý sharýashylyǵy memlekettik qoldaýdyń arqasynda, jemis-jıdek daqyldary men júzimniń kópjyldyq ekpeleriniń kólemi jyldan-jylǵa ulǵaıýda. Sonymen qatar, baý aralyq agrotehnologııalardy júrgizý úshin qajetti tehnıkalarǵa jáne satylyp alynǵan sheteldik, otandyq kóshetterge sýbsıdııa tólenýde. Bul kómekter taýar óndirýshilerdiń qarqyndy baý egýge degen qyzyǵýshylyǵyn arttyryp otyr.
Al, oblys boıynsha jemis-jıdektiń kólemi 17,5 myń ga, júzim 9,6 myń ga qurap, 2018 jyly jemis-jıdekten 116,4 myń tonna, júzimnen 72,0 myń tonna ónim alyndy. Taýar óndirýshilerdi otandyq jemis pen júzimniń elıtalyq kóshetimen qamtamasyz etý maqsatynda 7 kóshet óndiretin elıtalyq sharýashylyq uıymdastyrylǵan.
Óz kezeginde, QR Premer-Mınıstriniń orynbasary - Aýyl sharýashylyǵy mınıstri Prezıdenttiń Qazaqstan halqyna arnaǵan Joldaýynda agroónerkásip kesheniniń áleýetin tolyq iske asyrý kerektigin jáne negizgi mindet - eńbek ónimdiligi men qaıta óńdelgen aýyl sharýashylyǵy óniminiń eksportyn 2022 jylǵa qaraı 2,5 ese kóbeıtý týraly tapsyrma bergenin aıtyp ótti. Agroónerkásip kesheninde atalǵan tapsyrmaǵa qol jetkizý úshin salany ártaraptandyrý, onyń ishinde mal sharýashylyǵyn damytýdyń alatyn orny erekshe ekendigine toqtaldy.
Bul rette, Ómirzaq Shókeevke «Túrkistan oblysynyń et klasterin» odan ári damytý maqsatynda taıaýda jumysyn bastaıtyn Saıram aýdanyndaǵy «Nurym Group» JShS-i kórsetildi. Aýdannyń Mankent aýylynan ashylatyn mal bordaqylaý alańy «Qaıyp ata» JShS-niń enshiles uıymy bolyp tabylady. Seriktestik 10 myń bas iri qara maldy bordaqylaý alańynda semirtý, sonymen qatar, qurama jem tsehy men mal soıý alańymen qamtýmen aınalysady. Jobanyń quny 3,456 mlrd tengeni quraıdy.
Óńirge sapary sońynda Ómirzaq Shókeev qos sharýashylyqtyń jumystaryna oń baǵasyn berdi. Elbasy Joldaýyn iske asyrýda Túrkistan oblysynda qarqyndy baý sharýashylyǵyn damytyp, árbir aýdanda iri mal bordaqylaý alańdaryn salýdy tapsyrdy.
