Ómirzaq Shókeev Saryaǵash aýdany ákiminiń esebine eskertýsiz bardy
Túrkistan oblysynyń ákimi Ómirzaq Shókeev aýdan-qala ákimderiniń jyldyq esebine eskertýsiz kelip qatysatynyn eskertken bolatyn. Aımaq basshysy Saryaǵash aýdany ákiminiń eseptik jıynyna eskertýsiz kelip, qatysty. Óńir basshysy kelgende aýdan ákimi Muhıt Otarshıev jergilikti halyqtyń saýaldaryna jaýap berip jatqan. Kútpegen kezdesýge kýá bolǵan turǵyndardyń keıbiri usynys-pikirlerin Ómirzaq Shókeevtiń ózine ákelip tapsyrdy. Aýdanda atqarylǵan jumystardy baıandaǵan aýdan basshysy áleýmettik-ekonomıkalyq damý jaǵynan jaqsy kórsetkishterge qol jetkizilip, barlyq salada ósý baıqalatynyn atap ótti.
«Ásirese aýyl sharýashylyǵy men týrızm, qurylys salalalarynda josparlanǵan jumystar qarqyndy júrgizilýde. 2020 jyly 30 áleýmettik nysannyń qurylysyn júrgizý josparlanyp, bıýdjettiń kiris bóligi 102,7%-ǵa oryndalǵan. Aýyl sharýashylyǵy óniminiń kólemin 2020 jyly 80 mlrd teńgege jetkizý josparlanýda. Aýdandaǵy shaǵyn nesıe uıymdary tarapynan barlyǵy 5057 adamǵa 4,7 mlrd teńge kóleminde nesıeler berilip, nátıjesinde 6340 jumys orny ashylǵan. 2019 jyly aýdanǵa 38,8 mlrd teńgeniń ınvestıtsııasy tartylǵan», - dedi halyqqa esep bergen Muhıt Otarshıev.
Aýdan ákiminiń sózinshe, «Halyq únine qulaq asatyn memleket» tujyrymdamasy – bul el Prezıdenti Qasym-Jomart Toqaevtyń Qazaqstan halqyna arnaǵan Joldaýyna arqaý bolǵan baǵyttardyń biri sanalady. Bıylǵy ákimderdiń halyq aldynda esep berýi - memleket tujyrymdamasynyń múltiksiz oryndalýynyń aıǵaǵy. Qorytyndy esepke deıin barlyq eldimeken turǵyndaryn aralap shyqqanyn jáne turǵyndardy jeke máseleleri boıynsha qabyldaǵanyn jetkizdi.
Shekaraly aýdan ákiminiń jumysymen tanys bolǵan aımaq basshysy ákimderdiń buqaraǵa barynsha jaqyn ekenin naqty ispen kórsetý kerektigin atap ótti.
«Bıylǵy jyldyq esep berý jıyndary erekshe úlgide ótip jatyr. Ákimder qordalanǵan máselelerdiń túıinin tarqatyp, el aldynda qorytyndylaýda. Jyldyq esep berýde san, tsıfrdan kóri oryndalǵan jumystar jaıly ashyq, búkpesiz áńgime aıtylýy tıis. Halyqtyń ókpe-nazyn tyńdap qana qoımaı, týyndaǵan másele birden sheshilgen jón. Sondyqtan jergilikti bılik ókilderi halyqpen qoıan-qoltyq jumys isteýi kerek»,-dedi jıyndy qorytyndylaǵan Ómirzaq Shókeev.
