Ómirzaq Shókeev «Samuryq-Qazynanyń» eńbek áýletterin quttyqtady
«Samuryq-Qazynada» 300 myńǵa tarta adam jumys isteıdi. Kompanııa ujymynyń qyzmetine kóp nárse baılanysty. Biz daǵdarysty eńserip, aýqymdy jobalardy qolǵa aldyq. Barlyqtaryńyzdy quttyqtaımyn, bul kún bizde xalyqaralyq otbasy kúnimen tuspa-tus kelip otyr. Bul da kezdeısoq emes. Sebebi bul bizdiń meıram. Barlyqtaryńyzǵa sáttilik, áýletterińizdiń shańyraǵyna bereke tileımin! Biz sizderdiń qosyp jatqan úlesterińizdi baǵalaımyz», - dedi kompanııa basshysy.
Bıyl «Qordyń eńbek áýleti» medaldaryn Babashevtar, Saırambaevtar, Trýba, Klopovtar, Pshenıtsındar, Eltaevtar, Matsıýk, Jamankózovtar, Kákimanovtar, Musaǵalıevtar áýleti ıelendi.
Keıbir áýleterdiń eńbek ótili 300 jyldan asady.
Mysaly, «Taý-Ken Samuryq» kompanııasynda qyzmet etetin Babashevtar áýletiniń eńbek joly - 373 jyl. Al Saırambaevar januıasy 317 jyl urpaqtan urpaqqa bir salanyń qyzmetin óristetip keledi.
«Bizdiń temirjol salasyndaǵy áýlettik eńbek jolyn ákemiz Saırambaı Maxanbet sonaý 1928 jyly bastaǵan. Sonda 1974 jylǵa deıin eńbek etti. Biz alty bala ákemizdiń jolyn qýdyq. Іzin jalǵap kelemiz. Búgingi kún aǵa býyn úshin qýanyshty kún, al jastarymyzǵa úlgi. Bizdiń áýlettiń eńbek ótili 300 jyldan asady, bul erekshe maqtanysh», - deıdi «QTJ» UK standarttaý, sertıfıkattaý jáne metrologııa ortalyǵynyń basshysy Esentur Saırambaev.
Aıta keteıik, «Samuryq-Qazyna» AQ kompanııalar toby eńbek áýletteriniń kúnin 2013 jyldan beri ótkizip keledi jáne ol arnaıy Halyqaralyq otbasy kúni merekesi tusynda uıymdastyrylady.
