Ómirzaq Shókeev óz bıznesin ashqysy kelgen kópbalaly anany qabyldady

TÚRKІSTAN. QazAqparat – Túrkistan oblysynyń ákimi Ómirzaq Shókeev kópbalaly anany jeke ótinishi boıynsha qabyldady. Jeti balanyń anasy Dına Áıtimbetova aımaq basshysymen kezdesýge Arys qalasynan arnaıy kelgen, dep habarlaıdy QazAqparat.

«Altyn alqa» ıegeri barsha arystyqtar men óz otbasynyń atynan alǵysyn arqalaı kelgenin aıtty. Kópbalaly ana az ǵana ýaqyt ishinde qalanyń qaıta qurylyp, ajarlanýyna atsalysqany úshin aımaq basshysyna úlken alǵysyn jetkizdi. Sondaı-aq, kezdesý barysynda óz úıiniń janynda ornalasqan bos jerge jataqhana salyp, jeke kásip ashpaq josparymen de bólisti.

Oblys basshysy qabyldaýǵa kelgen batyr ananyń bastamasyn qoldady. Ómirzaq Shókeev óńirde shaǵyn jáne orta kásipkerlikti damytý úshin jasalyp jatqan múmkindikter jaıly atap ótti. Kezdesý sońynda aımaq basshysy jaýapty organdarǵa tıisti tapsyrmalar berdi.