Ómirzaq Shókeev Ordabasy men Saıram aýdandaryna bardy
TÚRKІSTAN. QazAqparat - Ómirzaq Shókeev Ordabasy men Saıram aýdandaryna bardy, dep habarlaıdy QazAqparat oblysy ákiminiń baspasóz qyzmetine silteme jasap.
Ómirzaq Shókeev Ordabasy aýdanynyń sharýalarymen kezdesti. 20 jyldan astam ýaqyt eginshilikti kásip etken «Aq-Orda-B» JShS bıyldan bastap jylyna 2 ret egin jınaýdy qolǵa alǵan. Erte kóktemde gollandııalyq kartop egip paıda kórgen kásipker artynsha qyryqqabat otyrǵyzǵan.
Oblys ákimi budan keıin 130 gektar jerde jańa tehnologııamen, sýsyz qarbyz ósirgen mamandardyń jumysymen tanysty. Olar aldaǵy ýaqytta 40 gektardan jınalǵan qarbyz dánin AQSh-qa eksporttaýdy josparlap otyr. Sheteldikter dál osy qarbyzdyń dánin kosmetıka ındýstrııasynda paıdalanady.
Alaıda Ó. Shókeev kásip ıelerine eńbekpen kelgen dúnıeni ysyrap etpeı, qarbyzdyń shyrynyn óńdep, qaldyqsyz ónim shyǵarýdy qolǵa alýdy tapsyrdy.
Jalpy, Ordabasy aýdanynyń aýyl sharýashylyǵy salasynda aldyńǵy qatarly tehnologııalardy qoldana otyryp, halyqty jumyspen qamtý maqsatynda 18 baǵyt boıynsha 46 jobany iske asyrý josparlanǵan.
Oblys basshysy jumys sapary barysynda «STANDARD PETROLEUM & CO» JShS munaı-hımııa zaýytynda boldy. Jańadan boı kóterip jatqan kombınattyń jobalaýshy kompanııasy – reseılik «ETN-Tsıklon» ǵylymı óndiristik birlestigi.
Zaýytta AI-92 jáne AI-95 markaly benzın, dızel janarmaıy, suıytylǵan gaz ben koks shyǵarylatyn bolady. Jylyna 2 mıllıon tonna shıkizat óńdeıtin óndiristiń qurylysy 2021 jyly aıaqtalýy tıis.
Sondaı-aq oblys basshysy Saıram aýdanynda bolyp jańadan ashylǵan «Qarabulaq» mal bazarynyń jumysyn kórdi. Aımaq basshysy bazar basshylyǵyna bilikti mamandardy jumysqa tartyp, maldan taraıtyn juqpaly aýrýlardyń aldyn alý sharalaryn qolǵa alýdy tapsyrdy.
