Ómirzaq Shókeev óńirde qatań karantın sharalaryn saqtaý kerektigin eskertti
TÚRKІSTAN. QazAqparat – Túrkistan óńiriniń barlyq ákimshilik aýmaqtarynda koronavırýs juqtyrǵan naýqastar tirkelgen. Sońǵy bir aptanyń ishinde 360 adam osy indetke shaldyqqan. Bul týraly Túrkistan oblysynyń ákimi Ómirzaq Shókeevtiń tóraǵalyq etýimen ótken lezdemelik májilis otyrysynda sóz boldy, dep habarlaıdy QazAqparat tilshisi.
Jıynda oblys aýmaǵynda koronavırýs ınfektsııasy boıynsha atqarylǵan jumystar týraly aıtyldy. Aımaqta atalǵan indetpen tirkelgender sany 2 myń adamnan asqan. Sala mamandarynyń sózinshe, KVI-dan 33 ólim jaǵdaıy tirkelgen. Onyń ishinde 24 jaǵdaı negizgi COVID-19 koronavırýs ınfektsııasy dıagnozymen jáne 9 jaǵdaı COVID-19 koronavırýs ınfektsııasy ilespe dıagnozyn quraıdy.
Májiliste Ómirzaq Shókeev Túrkistan oblysynyń aýmaǵynda qatań karantın shekteý is-sharalary 5 shildeden bastap 20 shilde aralyǵynda engizilgenin eskertti.
Osyǵan oraı barlyq aýdan-qala ákimderi, basqarma basshylary men tıisti memlekettik organdar shekteý sharalaryna sáıkes jumys atqarýy qajettigi tapsyryldy.
