Ómirzaq Shókeev: Óndiristi arttyrmasaq, kórshi elderdiń qantyna kómilip qalamyz

ASTANA. QazAqparat - Vıtse-premer - QR Aýyl sharýashylyǵy mınıstri Ómirzaq Shókeev Qazaqstanǵa jetkiziletin qant tasymalyna beriletin jeńildik atalǵan salanyń damýyna kedergi keltirip otyrǵanyn atap ótti, dep habarlaıdy «QazAqparat» HAA tilshisi.

«2009 jyly Keden odaǵy quryla bastaǵan kezde bizdiń elge jetkiziletin qant úshin jeńildik engizgen bolatynbyz. Bul jeńildik jumys istep turǵanymen, bizde qant óndirisi jumys istemeı qaldy. Túsinesizder me?», - deıdi Ómirzaq Shókeev vedomstvonyń keńeıtilgen alqa otyrysynda.

AShM basshysynyń aıtýynsha, Qazaqstanǵa kórshiles memleketter qant óndirisin aıtarlyqtaı arttyra bastaǵan.

«Osy ýaqyt aralyǵynda Reseı men Belarýs qant óndirisin eki esege arttyrdy. Eger biz bul jeńildikti alyp tastamasaq, biz qant óndirisin múlde joǵaltyp alamyz. Bizdiń áriptesterimizdiń ózi bizdi qanttarymen kómip tastaıdy», - deıdi Ómirzaq Shókeev.