Ómirzaq Shókeev oblys ákimderine astyq satyp alý shtabtaryn qurýdy usyndy

Mundaı usynysty ol búgin Úkimettiń selektorlyq formattaǵy otyrysynda jasady.

Ómirzaq Shókeevtiń atap ótýinshe, qazirgi tańda respýblıka aýmaǵynda bastyrylǵan astyqty saqtaýǵa qajetti qoımalar jetkilikti. Shamamen 5 mln. tonna astyq saqtaıtyn qoıma bar. Sonymen qatar aıyna 1 mln. tonna astyqty eksporttaıtyn bolsaq, onda sharýalardyń bıdaılaryn saqtaýǵa qajetti elevatorlarda oryndar bosap otyrady.

Premer-Mınıstrdiń birinshi orynbasarynyń atap ótýinshe, sharýalar astyqtyń baǵasy kóteriledi degen úmitpen bıdaılaryn satýǵa qulshynys tanytyp otyrǵan joq. Al, azyq-túlik korporatsııasynyń usynyp otyrǵan 1 tonnaǵa 170 AQSh dollary óte tıimdi baǵa. «Sondyqtan, barlyq ákimder bul isti baqylaýlaryna alyp, astyq satyp alý shtabtaryn qurýy qajet. Sharýalar úshin eń durysy, astyqtaryn Azyq-túlik korporatsııasyna satyp, bul problemalardan arylý»,-dedi ol.

Onyń paıymdýynsha, ákimder astyqty memlekettik satyp alý, al Aýyl sharýashylyǵy men Kólik jáne kommýnıkatsııa mınıstrlikteri temir jolmen tasymaldaý problemalarymen aınalysýlary qajet.