Ómirzaq Shókeev maqtaaraldyqtarǵa ótemaqy qalaı beriletini týraly aıtty
TÚRKІSTAN - NUR-SULTAN. QazAqparat - Maqtaaral aýdanynda sý basqan aýyldardyń evakýatsııalanǵan ár turǵynyna ótemaqy belgileý durys dep esepteımin. Bul týraly búgin Úkimet otyrysynda Túrkistan oblysynyń ákimi Ómirzaq Shókeev aıtty, dep habarlaıdy QazAqparat tilshisi.
«Sý eldi mekenderden ketkennen keıin úılerdi aralap, byltyrǵy Arys tájirıbesi sııaqty ár úıge kelgen zardapty, shyǵyndy eseptep shyǵýymyz kerek. Ary qaraı komıssııamen birigip otyryp, búlingen úılerdi qaıta qalpyna keltirý joldaryn qarastyrymyz kerek dep olaımyn»,- dedi oblys basshysy.
Óńir basshysy sý basqan úılerde qalǵan múlikterge qandaı zardap kelgenin esepteý qıyn bolatyndyǵyn basa aıtty.
«Sondyqtan sý basqan aýyldyń evakýatsııalanǵan ár turǵynyna ótemaqy belgileý durys bolar dep esepteımin. Munan bólek 7 myńnan astam egistik alqabyna biraz shyǵyn keldi. Egilgen egistik, plenka astynda jatqan ártúrli egistik alqaby bar. Sonyń bárin qaıta eseptep, ony da óteýge kómektesýimiz qajet. Jalpy, evakýatsııalanǵan azamattardyń bárimen túsindirý jumystary júrgizilip jatyr. Byltyrǵy Arystaǵydaı kóp adamdy jınap, úlken jıyn jasamaımyz. Jeke-jeke ár mektepke baryp, túsindirý jumystary júrgizilýde. Jalpy halyq túsinistikpen qaraıdy, úlken shydamdylyqpen, tózimdilikpen bul jaǵdaıdy ótkizip jatyr. Biz komıssııany kútip otyrmyz, solarmen birge bárin aralap shyǵamyz»,- dedi ol.
