Ómirzaq Shókeev Maqtaaralda sý tasqynynan zardap shekken aýyldardy aralady
TÚRKІSTAN. QazAqparat - Túrkistan oblysynyń ákimi Ómirzaq Shókeev Maqtaaral aýdanyndaǵy sý tasqynynan zardap shekken aýyldardy aralap, búgingi jaı-kúıimen tanysty. Bul týraly QazAqparat ákimdikke silteme jasap habarlaıdy.
Sapar barysynda aımaq basshysy Jańajol aýyldyq okrýgine qarasty Órgebas jáne Fırdaýsı aýyldaryn qalpyna keltirý jumystaryn kórip, jergilikti turǵyndarmen kezdesti.
Halyq sany 1500-ǵa jýyq Órgebas eldi mekeninde turǵyndarmen kelisimshart túzilip, qurylys jumystaryna arnalǵan qarajattary bólingen. Búgingi tańda 133 úı syrylyp, irgetasyn quıý jumystaryna daıyndyq jasalýda. Taǵy 66 úıdiń irgetasy quıylyp, 12 úıdiń qabyrǵasy qalanýda. 1 úıdiń shatyry jabylǵan.
Al, Jańa jol aýyldyq okrýgine qarasty Fırdoýsı eldimekeninde 274 úıdiń aýmaǵy tazartylyp, 116 úıdiń irgetasy quıylǵan. 10 úıdiń qabyrǵasy qalanyp jatyr.
Oblys ákimi Ómirzaq Shókeev budan soń Myrzakent mańynda boı kóterip jatqan jańa móltek aýdandaǵy qurylys jumystarymen tanysty.
Jańa móltek aýdanda búginde 31 merdiger mekeme turǵyn úı qurylysyn júrgizip jatyr. Jalpy, 386 úıdiń qurylysyna 1553 adam jumyldyrylǵan. 51 úıdiń shatyry jabylyp, 2 úıdiń qurylysy tolyq aıaqtalǵan.
Ákim qurylys kompanııalaryna qurylysty sapaly júrgizip, ýaqytyly aıaqtaýdy tapsyrdy.
