Ómirzaq Shókeev Maqtaaral aýdanyndaǵy jańa úılerdiń sapasyn tekserdi
MAQTAARAL. QazAqparat – Oblys ákimi Ómirzaq Shókeev kezekti ret Maqtaaral aýdanyna jumys saparymen baryp, ondaǵy qurylys jumystarymen tanysty. Aımaq basshysy aýyl turǵyndarymen kezdesip, olardyń talap-tilegin tyńdady, dep habarlaıdy QazAqparat tilshisi.
Óńir basshysy árbir úıdiń qurylys sapasyn jiti tekserip, tasqyn sýdan zardap shekken Órgebas jáne Fırdaýsı eldi mekenderin qalpyna keltirý jumystaryn baqylady. Sý basqan aýyldardyń turǵyndary búginde qurylys jumystaryna qarastyrylǵan kezekti transh qarjylaryn alǵan. Aımaq basshysymen kezdesken aýyl azamattary saýaldaryna tushymdy jaýap alyp, alǵystaryn bildirdi.
Ómirzaq Estaıuly sapary barysynda aýdan ortalyǵy Myrzakenttegi jańa móltek aýdandy da aralap, jańadan salynyp jatqan turǵyn úılerde boldy. Mundaǵy 200 baspananyń qurylysy tolyq aıaqtalyp, birqatary paıdalanýǵa berilgen.
Sonymen qatar Fırdaýsı eldi mekeninde 53 úı, Órgebas aýylynda 39 úı tapsyrylýǵa daıyn. Qurylys jumystary yrǵaqty júrgizilýde.
