Ómirzaq Shókeev: Qus etiniń ımportynan qutylý kerek
PETROPAVL. QazAqparat - QR Premer-Mınıstriniń orynbasary - Aýyl sharýashylyǵy mınıstri Ómirzaq Shókeev soltústikqazaqstandyq agrofırmalarmen jınalysta agroónerkásip keshenin damytý memlekettik baǵdarlamasyndaǵy negizgi ózgerister týraly aıtty, dep habarlaıdy QazAqparat tilshisi.
Ómirzaq Shókeev baǵdarlamany kásipkerlermen birge jasaǵandaryn atap ótti.
«Olar bul baǵdarlamany óz tájirıbelerinen ótkergen. Muny sheneýnikter kabınetterinde jasaǵan joq. Bizdiń 150 tuqym sharýashylyǵymyz bar. Bizdiń mindetimiz 10 jylda 310-ǵa deıin jetkizý. Bul iske asyrýǵa bolatyn mindet dep esepteımin. Fermerlik sharýashylyqtardy 20 myńnan 100 myńǵa deıin jetkizý kerek. Bul da iske asyrýǵa bolatyn mindet», - dedi Aýyl sharýashylyǵy mınıstri.
Aǵymdaǵy jylǵy sýbsıdııany alýǵa ótinim berý jáne olarǵa tólem júrgizý elektrondy túrde júzege asyrylady, ıaǵnı sýbsıdııalaý protsesi tolyq avtomattandyrylǵan. 446 myń tonna tyńaıtqyshqa, onyń ishinde kóktemgi dala jumystary kezeńine 270 myń tonnaǵa ótinim bergen. Mamyr aıynyń ortasynda 93 myń tonna tyńaıtqysh nemese ótinim berilgen kóleminen 21% agrarshylarǵa jetkizildi.
Jınalys barysynda sútti mal sharýashylyǵy men shoshqa sharýashylyǵy boıynsha jańa baǵdarlamalar usynyldy.
Sútti mal sharýashylyǵyn damytý baǵdarlamasy sút ónimderin ımporttyq almastyrýǵa baǵyttalǵan. Jalpy alǵanda jyldyq mólsherlemesi 4% quraıtyn 15 jylǵa deıingi merzimge deıin qarjylandyra otyryp, sútti-taýarly jáne ónerkásiptik fermalardy qurý kerek. Óndiriletin sútke taýarlyq sýbsıdııalardyń ornyna, ınvestıtsııalaý úshin sýbsıdııalardy jáne nesıeler men lızıng boıynsha paıyzdyq mólsherlemelerdi qoldaý sharalary qarastyrylady.
Shoshqa sharýashylyǵyn damytý baǵdarlamasynda Qytaı men Reseı Federatsııasy naryǵyna et ónimderin eksporttaýdy damytýǵa erekshe kóńil bólinedi.
Sondaı-aq, QR Aýyl sharýashylyǵy mınıstri ekonomıkalyq turǵydan perspektıvalyq jobalardy qoldaý jáne damytý sheńberinde etti mal sharýashylyǵy, sút óndirisi, qaıta óńdeýshi sala boıynsha zákirli kooperatsııa bolatyn oblystyń birqatar iri ónerkásiptik keshenderiniń jumysymen tanysty.
Atalǵan sharalardy iske asyrý agroónerkásiptik keshendegi eńbek ónimdiligin jáne óńdelgen aýyl sharýashylyǵy ónimderin eksporttaýdy kem degende 2,5 ese arttyrýǵa múmkindik beredi.
