Ómirzaq Shókeev Qostanaı oblysyna keldi

QOSTANAI. QazAqparat - QR vıtse-premeri, aýyl sharýashylyǵy mınıstri Ómirzaq Shókeev Qostanaı oblysyna is-saparmen keldi, dep habarlaıdy QazAqparat.

Mınıstr sapary barysynda óńir aýyl sharýashylyǵyndaǵy ónerkásip keshenin damytý baǵdarlamasynyń jáne ınvestıtsııalyq jobalardyń iske asyrylý barysyn baqylaıdy. Sondaı-aq, jergilikti aýylsharýashylyq taýar óndirýshilerimen kezdesip, agroóndiris kesheniniń aımaqtaǵy damý baǵyttaryn talqylamaq.

Kúnniń birinshi jartysynda Qostanaı qalasynda jańadan salynǵan ındýstrııalyq aımaq pen "Sadchıkovskoe" sút fermasynyń jumysymen tanysady. Ómirzaq Shókeev Zarechnyı selosynda ótetin agrokeńeske qatysady.

Mártebeli meımannyń sapary erteń de jalǵasady. Aldymen, "Jas Qanat-2006" qus fabrıkasyna baryp, ózge de mańyzdy óndiris oshaqtaryn aralamaq.