Ómirzaq Shókeev Qazaqstandaǵy Ulybrıtanııa elshisimen kezdesti
TÚRKІSTAN. QazAqparat - Búgin Túrkistan oblysynyń ákimi Ómirzaq Shókeev Qazaqstandaǵy Ulybrıtanııa elshisi Maıkl Gıffordpen kezdesti, dep habarlaıdy QazAqparat oblys ákiminiń baspasóz qyzmetine silteme jasap.
Basqosýda týrızm men óndiris salasyndaǵy áriptestik tanytý jaıy sóz boldy. Aldymen oblys basshysy jańa oblys ortalyǵynyń damý josparymen tanystyrdy.
«Elbasy N.Nazarbaevtyń bastamasymen jańa Túrkistan oblysy qurylyp, onyń ortalyǵy retinde kóne Túrkistan qalasy bolyp bekitildi. Kúlli Túrki halyqtarynyń rýhanı túp qazyǵy sanalatyn Túrkistanda ıslam áleminiń jarqyn tulǵasy ıAsaýı, sondaı-aq qazaq halqynyń uly tulǵalary máńgilik meken tapqan. Keshegi Uly Jibek joly, búginde Batys Qytaı-Batys Eýropa magıstrali boıynda ornalasqan tarıhı qalanyń qazirgi tańda ekinshi ómiri bastaldy. ıAsaýı kesenesi týrıster úshin «Rýhanı ortalyq» retinde qaıta jańǵyratyn bolady. Budan ózge, «Ákimshilik-iskerlik ortalyq» boı kóteredi. Shahardyń álemdik baılanysyn arttyrý úshin temir jol, áýe qatynastary qarqyndy damıdy. Aldaǵy jyly jańa áýejaı salynady. Bolashaqta Samarqand-Buqara-Túrkistan týrıstik baǵytyn qalyptastyrý josparlanyp otyr», - dedi Ómirzaq Shókeev.
Sondaı-aq, oblys ákimi óńirge týrızm salasynan bólek, aýyl sharýashylyǵy, óndiris salasyna ınvestıtsııa salý tıimdi ári qolaıly ekendigin jetkizdi.
Óz kezeginde Ulybrıtanııa elshisi Maıkl Gıfford Túrkistan qalasynda Ámir Temir saldyrǵan ıAsaýı kesenesi týrıster úshin kóneligimen, tarıhı baǵasymen qundy ekenin aıtty.
«Túrkistan qalasyndaǵy ıAsaýı kesenesi ıÝNESKO syndy halyqaralyq uıymnyń tizimine engen Orta Azııadaǵy baǵa jetpes jaýharlardyń biri. Osynyń ózi álem týrısterin qyzyqtyrady. Qazir týrıster úshin kóne zamannan beri sol qalpynda saqtalǵan jádigerler qundy. Aldaǵy ýaqytta bizdiń týrıstik kompanııalar áriptestik tanytýǵa daıyn. Sondaı-aq, óńirdiń aýyl sharýashylyǵy salasynda brıtandyq jańa tehnologııalardy engizý boıynsha kelisim ornaıdy», - dedi elshi.
