Ómirzaq Shókeev qarjyny ıgere almaı jatqan aýdan basshylaryn synady
TÚRKІSTAN. QazAqparat - Túrkistan oblysynda Ómirzaq Shókeevtiń tóraǵalyq etýimen ótken aptalyq apparat jınalysynda bıýdjet qarajatynyń ıgerilý barysy aıtyldy, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Jergilikti bıýdjettiń tıimdi oryndalýy men memlekettik aktıvterdiń maqsatty jumsalýy oblys basshysynyń jiti baqylaýynda. Osy oraıda otyrysta birqatar aýdan ákimderi men basqarma basshylary oblys ákiminiń qatań synyna ushyrady.
«Bıýdjet qarjysyn maqsatty ıgerý - basty nazarda. Atalǵan qarjylardy Úkimetten bóldirý úshin qanshama ýaqyt pen kúsh jumsalady. Al sizder kelip turǵan qarjyny ıgere almaısyzdar. Ondaı aýdan, qala ákimderi men basqarma basshylarynyń sebebin - syltaý dep túsinem», –dedi Ómirzaq Estaıuly.
11 aıdyń qorytyndysymen bıýdjetten bólingen qarjyny óz merziminde ári sapaly ıgermegen jaǵdaıda, jaýapty tulǵalarǵa tártiptik shara qoldanylady.
Jınalysta kóterilgen Túrkistandy kógaldandyrý týrasynda atqarylyp jatqan jumystar da oblys ákiminiń kóńilinen tolyq shyǵa qoımady. 32 sektorǵa bólingen shahardaǵy aǵash otyrǵyzý, kúl-qoqystan tazartý sharalaryn qatań baqylaıtynyn qadap aıtqan aımaq basshysy, tıisti sala basshylaryna basa mán berýdi qajet etetin tustardy atap, naqty tapsyrmalar berip men mindetter júktedi.
