Ómirzaq Shókeev qarııalardy Túrkistandy tamashalaýǵa shaqyrdy
TÚRKІSTAN. QazAqparat – Túrkistan oblysynyń ákimi Ómirzaq Shókeev Shardara aýdanyndaǵy ardagerler úıinde boldy. Onda ákim aqsaqaldarymen kezdesip, ústel basyna jınalǵandardy ashyq suhbat qurýǵa shaqyrdy, dep habarlaıdy QazAqparat.
Túrkistan oblysy ákiminiń baspasóz qyzmetine silteme jasap. Jınalǵandar tosyrqaǵan joq, josparlary týraly da aıtqandar boldy. Túrkistanda buryn bolǵanmen, tap qazirgi kórkeıgen kelbetin kórmegen aqsaqaldar az ýaqyt ishinde shahardyń jańa keıipke enip, adam tanymastaı ózgerip ketkendigine ózderiniń tańqalystaryn bildirdi. Kúlli túrki áleminiń rýhanı astanasyndaǵy jańalyqtardan habardar bolǵan qarııalardyń qulshynysyn qoldanǵan oblys basshysy aýdan aqsaqaldaryn kóne Túrkistannyń jańa keıpin kózben kórip qaıtýdy usyndy.
«Pandemııanyń keri áserinen kezdesýler sap tyıyldy. Rasynda, halyqpen tıimdi keri baılanys ornatý – qashanda alǵy maqsattardyń biri. Aýdannyń tynys - tirshiligimen ózderińizdeı enete tanys eshkim joq. Sondyqtan men ózderińizben kezdesýdi asyǵa kútemin. Ornymen qartaıý da jaqsy qasıet. Qarttyqtyń baqytty, shýaqty, aıtýly asyl qasıetteri kóp. Ony ózderińizden kórip otyrmyn. Túrkistan tirshiligin kelip, kózben kórip qaıtýlaryńyz qajet»,-dedi oblys ákimi.
Oblys ákimi jaýapty basshylarǵa barlyq aýdan, qalalardaǵy nıet etken qarııalardy jańarǵan Túrkistandy tamashalatýdy tapsyrdy. Jańarǵan Túrkistanǵa qonaq bolyp keletin ardagerler - aımaqtyń, elimizdiń áleýmettik-ekonomıkalyq damýyna úlken úles qosqan bilim, mádenıet, ǵylym, óndiris jáne jáne basqa da túrli salalarda jetekshilik etken bilikti aqsaqaldar. Olardy karantın talaptaryn qatań saqtaı otyryp, Túrkistanǵa alyp kelip, qalany aralatýǵa aýdan, qala basshylary jaýapty.
Óreli oı men salmaqty pikir aıtylǵan kezdesýde oblys basshysy mundaı otyrystardyń mańyzdylyǵyn erekshe atap ótti. Kezdesý barysynda oblys basshysy aǵa urpaqtyń qoǵam ómirine qosqan úlesine shynaıy rızashylyq bildirip, úlkendi syılaý, ardagerlerge qamqorlyq kórsetý keıingi urpaqtyń mindeti jáne paryzy ekenin atap ótti.
Aýdannyń áleýmettik máseleleri talqylanyp, onyń sheshý joldary boıynsha aımaq basshysy ómirden túıgeni mol el aǵalarynyń pikirin tyńdady. Zııaly qaýym ókilderi men qazynaly qarııalar ákimniń oblysty basqarýdaǵy jumysyna sáttilik tiledi.
