Ómirzaq Shókeev: Igerilmegen jerler qatań baqylaýda bolady
TÚRKІSTAN. QazAqparat - Túrkistan oblysynyń ákimi Ómirzaq Shókeev jumys saparymen Shardara aýdanyna baryp, birqatar sharýa qojalyqtarynyń jumysymen tanysty.
Aýyl turǵyndarmen kezdesken aımaq basshysy usaq sharýa qojalyqtardy biriktirip, kooperatıvtendirýdi qolǵa alý kerektigin atap ótti, dep habarlaıdy QazAqparat tilshisi.
Óńir basshysy Jaýshyqum aýyldyq okrýgindegi «Turar» sharýa qojalyǵyna baryp, pııaz ben maqta alqaptaryn kórip shyqty. Sharýa qojalyǵynyń jumysymen tanysqan oblys ákimi ónim kólemin arttyrýda jańa tehnologııalardyń jetistigin baıandady.
«Egin sharýashylyǵynda ónimdi arttyrýdyń birden bir tásili - tamshylatyp sýarý tehnologııasyn paıdalaný. Sýdy da únemdeý arqyly mol ónim alýǵa bolady. Al, usaq sharýa qojalyqtaryn biriktirý eń aldymen sharýalar úshin tıimdi. Sonymen qatar, ıgerilmeı jatqan jerler qatań baqylaýda bolýy tıis. Agrarlyq óńir retinde óz múmkindikterimizdi paıdalanýymyz qajet», - dedi Ómirzaq Shókeev.
Sapar aıasynda oblys ákimi Shardara qalasyndaǵy №4 móltek aýdannyń ınjenerlik kommýnıkatsııalarymen tanysty. «Shardara sý elektr stansasynyń» AQ qaıta jańǵyrtý jumystaryn baqylady. Shardara sý qoımasy bógetinde Sútkent aýylyndaǵy Syrdarııa ózeniniń arna baǵyttaý bógetinde boldy. Sondaı-aq, Ómirzaq Shókeev aýdandaǵy «Hamıt aýylsharýashylyq óndiristik kooperatıviniń balyq óńdeý zaýytyna aıaldady. Sapar barysynda óńir basshysy Shardara qalasynda týrızmdi damytý baǵytynda atqarylyp jatqan jumystarmen tanysty. Aımaq týrızmin damytýda týrısterdi qajetti demalys aımaqtaryn kóbeıtip, qyzmet kórsetý sapasyn arttyrý qajettigin tapsyrdy.
