Ómirzaq Shókeev: ǴZI-da joǵary jalaqyny tek ortaq iske úles qosqandar ǵana alýy tıis
«Biz barlyq ýaqytta da agrarlyq ǵylymdaǵy kadrlardyń jastary ulǵaıyp bara jatqanyn aıtyp kelemiz. Osyǵan qaraı onda jalaqyny da jasyna qaraı alý sııaqty dástúr qalyptasqan. Olaı bolmaýy tıis. Sondyqtan biz muny buzatyn bolamyz. Jańa býyn keldi jáne ınstıtýt dırektory barlyǵynan joǵary jalaqy alýy mindetti emes. Zor úles qosatyn kez kelgen ǵalym dırektorǵa qaraǵanda joǵary aqy alýy kerek. Shenine qaraı emes, ortaq iske qosqan shynaıy úlesine qaraı», - dedi Ó.Shókeev mınıstrliktiń keńeıtilgen májilisinde.
Mınıstrdiń aıtýynsha, bul úshin 19 ınstıtýttyń basshysy aýystyryldy.
Al Ulttyq agrarlyq ǵylymı bilim berý ortalyǵynyń basqarma tóraǵasy Ulan Tájibaevtyń aıtýynsha, jańadan taǵaıyndalǵan 19 basshynyń 8-i jastar bolyp otyr. Jalpy, elimizdiń ǵylymı-zertteý ınstıtýttaryna 35 jasqa tolmaǵan 584 jas ǵalym tartylǵan.
«Ǵylymı baǵdarlamalar aıasynda 2018 jyly 31 sheteldik maman tartyldy. Otandyq ǵalymdardy halyqaralyq deńgeıge kóterý úshin jumys tili retinde aǵylshyn tili engiziletin bolady. 300 jas doktorantýraǵa oqýǵa, sonymen qatar taǵlymdamadan ótýge jiberiledi», - dedi ol.