Ómirzaq Shókeev «Bórte» spektakline ketken qarajat týraly: Bári ornymen jumsalǵan
NUR-SULTAN. QazAqparat – Túrkistan oblysynyń ákimi Ómirzaq Shókeev «Bórte» spektakli týraly jýrnalıster suraǵyna jaýap berdi, dep habarlaıdy QazAqparat tilshisi.
Ortalyq kommýnıkatsııalar qyzmetinde ákimge «Bórte» spektakline 246 mln teńgeniń bólinýi tym qymbat dep oılamaısyz ba? Basqa qalalarda osyndaı qoıylymdarǵa 3-4 mln teńge ketedi» - degen suraq qoıyldy.
«Joq, olaı oılamaımyn. Biz barlyq smetany tekserip shyqtyq, onda artyq eshteńe qarastyrylmaǵan. Jáne onyń jańa teatr ekenin eskersek, dekoratsııa kerek, kostıýmdar kerek, avtorlar men rejısserdiń gonoraryn, akterlerdiń eńbekaqysyn tóleý kerek – tekserý jumystary kórsetkendeı, barlyq qarajat ornymen jumsalǵan. Kerisinshe, men Túrkistanǵa kelgeni úshin teatr ujymyna alǵys aıtqym keledi. Olardyń barlyǵy túrli elderdiń astanasynda eńbek etken, alǵashqy qoıylymynyń ózin joǵary deńgeıde kórsetti. Teatr qalanyń basty ornyna aınaldy, teatr qoıylymy úshin Nur-Sultan men Almatydan arnaıy ushyp keletin qonaqtar bar. Al 3-4 mıllıon teńgege qandaı spektakl qoıýǵa bolatynyn elestete almaımyn», - dep jaýap berdi Ó. Shókeev.
Óńir ákimi jetekshi teatrlar úshin 200 mln teńgeden astam qarajat kóptik etpeıtinin aıtty.
«Keshe de birneshe saıt Túrkistan teatrynyń elordaǵa gastroline 32 mln teńge bólinetinin jazdy. Bul suraqty men de qarastyryp kórdim. Bul teatrǵa úlken suranys boldy, elorda ákimdiginiń ózi usynys jasady. Nur-Sultandaǵy teatrdy bir kúnge jalǵa alýdyń ózi – 8 mln teńge. Eki kún qoıylym kórsetýge 16 mln teńge ketedi. Qalǵany teatrdy astanaǵa ákelý, dekoratsııalardy tasymaldaý, issaparlar men qonaqúılerge jumsalady. Jalpy alǵanda bul tsıfrlar aqylǵa qonymdy. Eger qandaı da bir buzýshylyqtar bolsa, ony tekseretin tıisti organdar bar. Al negizi obektıvti túrde qaraý kerek jáne Túrkistandy rýhanı astana etýge janyn salyp júrgenderdiń eńbegin qurmetteý kerek», - dedi Ó. Shókeev.
Aıta keetıik, 9-10 qazan kúnderi Túrkistan mýzykalyq drama teatry belgili dramatýrg, QR Memlekettik syılyǵynyń laýreaty Dýlat Isabekovtiń pesasyna qoıylǵan «Bórte» spektaklimen ashyldy jáne ashlagpen ótti.
20-21 qarasha kúnderi «Bórte» spektakli Nur-Sultan qalasynda Q. Qýanyshbaev atyndaǵy memlekettik akademııalyq qazaq mýzykalyq drama teatrynda kórsetiledi.
