Ómirzaq Shókeev bıylǵy astyqtyń boljamdy kólemin atady

ASTANA. QazAqparat - Aǵymdaǵy jyly elimizde 20 mln tonna dándi daqyl jınalady. Bul týraly búgin Úkimettiń selektorlyq rejimdegi otyrysynda QR Premer-Mınıstriniń orynbasary - Aýyl sharýashylyǵy mınıstri Ómirzaq Shókeev aıtty, dep habarlaıdy QazAqparat tilshisi.

«Aǵymdaǵy jyly dándi daqyldar 15,0 mln gektar alqaptan jınalatyn bolady. Onyń ishinde bıdaı - 11,1 mln gektar. Al maıly daqyldardyń jınalatyn alqaby 2,8 mln gektardy quraıdy, bul ótken jylǵy deńgeıden 400 myń gektarǵa artyq. Respýblıka boıynsha 20,0 mln tonna dándi daqyl jınalady dep boljanýda. Maıly tuqymdar óndirý kólemi 2,3 mln tonna deńgeıinde bolady dep kútilýde»,- dedi ol.

Mınıstrdiń aıtýynsha, kórsetilgen kólemder astyqtyń eksporttyq áleýetin 9 mln tonnaǵa deıin, maıly tuqymdardyń eksportyn 1 mln tonnaǵa deıin jetkizýge, quramajem jáne maı shyǵaratyn kásiporyndardy shıkizatpen qamtamasyz etýge múmkindik beredi.

«Aǵymdaǵy jylǵy kóktemgi egis jáne egin jınaý jumystaryn qarjylandyrýǵa «KazAgro» holdıngi bıýdjettik kredıt qarajatynan 60 mlrd teńge baǵyttady. 3,2 mln gektardan astam alqapta aýyl sharýashylyǵy daqyldaryn ósirýdi qoldaý úshin 1985 agroónerkásiptik keshen sýbektisi qarjylandyryldy»,- dedi Ómirzaq Shókeev.