Ómirzaq Shókeev bıyl iske qosylatyn jańa nysandardy aralady
TÚRKІSTAN. QazAqparat – Túrkistan oblysynyń ákimi Ómirzaq Shókeev oblys ortalyǵyndaǵy ákimshilik-iskerlik ortalyǵynda boı kótergen jańa nysandardy aralap, qurylys barysyn baqylady. Túrkistan qalasynda bıyl jyl sońyna deıin 15 nysannyń qurylysy aıaqtalyp, paıdalanýǵa berilmek, dep habarlaıdy QazAqparat tilshisi.
Aımaq basshysy aldymen Kongress ortalyǵy men Oqýshylar saraıyn jáne stadıonnyń qurylys jumystaryn aralap shyqty. Bul ǵımarattarda qurylys jumystary aıaqtalýǵa jaqyn. Búginde jıhazdary qoıylyp, abattandyrý jáne gazondy tolyqtyrý jumystary júrgizilip jatyr. Sondaı-aq, rýhanı-mádenı ortalyǵyndaǵy 4 nysannyń da qurylys jumystary aıaqtalýǵa jaqyn. Drama teatrda búgingi tańda syrtqy jáne ishki árleý, ınjenerlik jelilerin montajdaý jumystary júrgizilýde. Qurylys jumystaryna 150 adam jumyldyrylǵan. Mádenı oshaqtyń jıhazdary jasaqtalyp, zamanaýı teatrlyq quraldary ornatylmaq. Al, Uly dala eli ortalyǵy men Q.A.ıAssaýı murajaıynda syrtqy qas betin qaptaý, ınjenerlik júıeler, ishki árleý jumystary qolǵa alynǵan. Budan ózge, ǵylymı-ámbebap kitaphanasynda syrtqy ramalaryn ornatý, temir konstrýktsııasyn montajdaý jáne betondaý jumystary, vıtrajdar ornatý men ishki árleý jumystary jalǵasýda. Munda 50 adam jumyspen qamtylyp otyr.
Óńir basshysy Ómirzaq Shókeev qurylys basynda jaýapty basshylarǵa jumysty kestege saı aıaqtap, ǵımarattardy tezdetip paıdalanýǵa berýdi tapsyrdy.
Jalpy, Túrkistan oblysy boıynsha qurylys jumystaryna 9000-nan astam adam jumyldyrylǵan. Qurylys alańyna aınalǵan Túrkistan qalasynda 4000-nan astam jumysshy eńbektenýde. Olardyń barlyq eńbek jaǵdaıy men saqtyq sharalary qatań qadaǵalanady.
