Ómirzaq Shókeev Báıdibek aýdanyndaǵy sharýalarmen kezdesti
BÁIDІBEK. QazAqparat – Túrkistan oblysynyń ákimi Ómirzaq Shókeev Báıdibek aýdanyndaǵy birqatar nysandy aralap, jergilikti sharýalarmen kezdesti, dep habarlaıdy QazAqparat tilshisi.
Eldi mekenderge tabıǵı gaz jetkizý barysy men asyl tuqymdy iri qara maldyń jańa túrin ósirýdi qolǵa alǵan turǵyndardyń tirshiligimen tanysty.
Aýdanǵa jumys saparymen barǵan aımaq basshysy aldymen aýdandy tabıǵı gazben qamtamasyz etip, gaz qubyrlaryn júrgizý josparymen tanysty. Shaıan eldi mekenindegi aýyz sý júıelerin qaıta qurylymdaý jospary men abattandyrýǵa baǵyttalǵan jańa jobalardyń barysyn baqylady. 150 oryndyq Qosbulaq mektebiniń qurylysynda boldy. Oblys basshysy sondaı-aq, birqatar egistik alqaptaryn aralalap shyqty. Aýyldardaǵy jylyjaılardyń jaıyn kórdi.
Máselen, «Berdibaı» sharýa qojalyǵyndaǵy egistik alqabynda 2 myń gektarǵa bıdaı men 1 myń ga jerge maqsary egilgen. Jeke tehnıkamen jabdyqtalǵan qojalyqta júzden astam adam turaqty jumyspen qamtylǵan. Aýdandaǵy ózge sharýashylyqtar bolsa tamshylatyp sýarý ádisiniń tıimdiligin túsine bastaǵan. Aýyl sharýashylyǵy salasynda keńinen etek jaıǵan tásildiń tıimdi tustary kóp ekenin bilip, qoldanýǵa kóshken. Búginde osy sýdy únemdeıtin ádistiń arqasynda astyq mol jınalyp otyr. Artyq shyǵyndy da qajet etpeı, jumys kúshin qysqartqan. Sondyqtan báıdibektik sharýalar jappaı osy tásilmen egin egýge kóshpek.
