Ómirzaq Shókeev astyq kólemin arttyrý úshin ne isteý kerektigin aıtty
«Prezıdent saladaǵy tsıfrlandyrýdy egjeı-tegjeıli aıqyn túsindirýdi tapsyrǵan bolatyn. Mysaly, bizdiń sharýalar ónimderin qalaı joǵaltyp otyr? Sebebi egin egýdiń qolaıly merzimin naqty anyqtaı almaıdy. Ómir boıy solaı. Sodan keıin osyny týra aıtyp beretin bilikti adamdy izdep júredi. Qazirgi kezde bul másele tehnologııamen sheshilip jatyr», - dep toqtaldy Shókeev mınıstrliktiń keńeıtilgen alqa májilisinde.
Osy oraıda ol álemdegi úzdik kompanııalar taldaý negizinde joǵary dáldikpen boljamdy bere alatynyn atap ótti.
«Olar bir sharýashylyqta qaı jerde, qandaı ýchaskede jáne qashan egin egýge bolatynyn aıta alady. «Atameken-Agro» osy sharalardy iske asyrýda. Ol úshin ne isteý kerek? Atap aıtqanda, bizde zańnamalyq turǵyda aýa raıyna boljamǵa «Qazgıdromettiń» monopolııasy qorǵalǵan. Bul - anahronızm ǵoı! Árbir fermer óziniń ýchaskesinde shaǵyn meteostansasyn ornatýy úshin atalǵan kedergilerdi joıý kerek. Sonymen qatar bir aýdandaǵy barlyq taldaýdy bir ortalyqqa túsirý qajet», - dedi Ó. Shókeev.
Onyń sózine qaraǵanda, osyndaı meteostansanyń quny sapasyna qaraı 500 dollardan bastalady.