Ómirzaq Shókeev: Arystaǵy jumystar bárimiz úshin jaqsy tájirıbe boldy
Ol sektorlardyń barlyǵynda kúrdeli jóndeý jumystary tolyq aıaqtalǵan.
Bul týraly búgin Arysta ótken josparly apparattyq jıynynda aıtyldy. Túrkistan oblysynyń ákimi Ómirzaq Shókeev tóraǵalyq etken otyrysta Arysta atqarylyp jatqan jumystar men jol, káriz júıesi men qujattandyrý máselesi jaıly sońǵy málimetter sóz boldy. Jarylystan 8 myńnan astam turǵyn úıdiń 7634-i zaqymdanǵan bolsa, onyń 500-ge jýyǵy múldem jaramsyz kúıge túsken bolatyn. Al, tolyq súrilip tastap, qaıta kóterilgen nysandardyń tiziminde kópqabatty úsh turǵyn úı bar. Bul kúnde bul úılerdiń qurylysy da aıaqtalýǵa taıady. Qazir ishki árleý jumystary júrip jatyr. Atalǵan jumystarǵa oblys boıynsha 3 myńǵa jýyq adam tartyldy.
«Úsh aıda tolyq jańarǵan Arys qalasynda júrgizilgen aýqymdy jumys bárimiz úshin buryn sońdy bolmaǵan baǵa jetpes tájirıbe boldy. Az ǵana ýaqytta tutas bir qalany qaıta aıaqqa turǵyzý tarıhta bolmaǵan. Bul elimizdegi birlik pen yntymaqtastyqty aıshyqtaıtyn kórinis. Mundaı jaǵdaı endi qaıtyp basymyzǵa túspesin», – dedi oblys ákimi Ómirzaq Shókeev.
Jıynda Túrkistan qalasynyń ákimi Rashıd Aıýpov kóne shahardaǵy qurylys jumystaryn da baıandap ótti. Búginde oblys ortalyǵy 16 sektorǵa bólinip, olarǵa oblystyń basqarmalary men aýdan-qalalary, qalalyq ákimdiktiń bólimderi jaýapty bolyp bekitilgen. Ákimniń aıtýynsha, barlyq aýmaqtardyń jumystary tynymsyz júrgizilip jatyr. Bul rette Ómirzaq Shókeev qala basshysyna halyqpen jumys istep, tazalyq men tártipti basty nazarda ustaýdy tapsyrdy. Túrkistan qalasyn kórkeıtý jumysyn baqylaý oblys ákiminiń orynbasary Ulan Tájibaevqa júktedi. Aldaǵy ýaqytta Túrkistanda úlgili kóshe, aýlalar anyqtalyp, úzdikterge qoshemet kórsetiletin boldy.
