Ómirzaq Shókeev Arystaǵy úsh sektordyń qurylys jumystarymen tanysty

ARYS. QazAqparat – Túrkistan oblysynyń ákimi Ómirzaq Shókeev Arystaǵy turǵyn úılerdi qalpyna keltirýmen aınalysyp jatqan Nur-Sultan qalasyna tıesili 9 sektor, Shymkent qalasyna tıesili 10 sektor, BQO-na tıesili 11 sektor, jumysymen tanysty, dep habarlaıdy QazAqparat.

Oblys ákimi tótenshe jaǵdaıdan japa shekken nysandardy jóndeýge jaýapty oblystardyń kemshilikterin aıtyp, syn-eskertpe jasady.

«Atyraý, Pavlodar oblystarynyń jumysy júıeli. Tolyqtaı úılerdi buzyp, nátıjeli jumys isteýde. Ýaqytty joǵaltyp aldyńyzdar. Qurylysy bastalmaǵan úıler de bar. Turǵyndarmen til tabysyp jumys isteý qajet. Tezdetip jumys qarqynyn údetpeseńizder úlgermeısizder», – dedi Ómirzaq Shókeev.

Jalpy, Arys qalasynda 8 466 úı bar, onyń ishinde apattan keıin turýǵa jaramsyzy – 315. Zaqymdanǵan úıler sany – 7 157 bolsa, aqaý aktisi jasalǵan jeke úıler sany – 7 350. Qazirgi tańda 4 945 úıde jóndelip jatyr. 2 048 úıde jóndeý jumystary aıaqtalyp, úı ıelerine tapsyryldy. 359 úıdiń qurylysy endi bastalmaq. Barlyǵy 17 sektorda jıyny 7 649 maman jumys isteýde.