Ómirzaq Shókeev Arystaǵy kópqabatty turǵyn úılerdiń qurylysymen tanysty

ARYS. QazAqparat – Arys qalasynda kópqabatty turǵyn úıler qurylysy qarqyndy júrip jatyr. Túrkistan oblysynyń ákimi Ómirzaq Shókeev 60 páterli jańa baspanalardyń qurylys alańynda bolyp, jumys barysymen tanysty, dep habarlaıdy QazAqparat tilshisi.

Jańa kópqabatty baspana Kóktem-2 turǵyn aýdanynda salynýda. Aımaq basshysy qurylystyń sapasyna jáne merziminde aıaqtalýyna qatysty merdigerge naqty tapsyrmalar júktedi. «Nurly jer» memlekettik baǵdarlamasy aıasynda salynyp jatqan bes qabatty úıler aldaǵy kúzde tapsyrylmaq. Jańa baspanalar jyldar boıy turǵyn úı kezeginde turǵan arystyqtarǵa berilmek.

Aıta keteıik, Arys qalasynda bıyl budan basqa taǵy 60 páterli kóp qabatty turǵyn úılerdiń qurylysy bastalǵan. Jańa baspanalar keler jyly paıdalanýǵa beriledi dep josparlanyp otyr.