Ómirzaq Shókeev Arysta búlingen áleýmettik nysandardy aralap shyqty
«Oblys ákimi Arys qalasynda búlingen ınfraqurylymdyq áleýmettik nysandardy aralap shyqty. Atap aıtqanda, Ómirzaq Shókeev balabaqshany, qalalyq aýrýhanany, ІІB ǵımaraty men turǵyn úılerdi aralady. Keltirilgen shyǵyn aldyn ala eseptelip, qalanyń ómirine qajetti jedel sheshimder qabyldandy. Turǵyndardy áli de evakýatsııalaý jumysy júrgizilip, bul maqsatta 105 kólik jumyldyryldy. Arys qalalyq ІІB-degi negizgi shtattan bólek, 345 qyzmetker men 75 arnaıy kólik, shuǵyl járdemniń 51 ekıpajy jumyldyryldy. TJ tarapynan 201 qyzmetker, Túrkistan oblystyq jáne Shymkent qalalyq TJD-nyń 26 arnaıy tehnıkasy tartyldy», - dep jazdy óńir basshysynyń keńesshisi Sáken Qalqamanov facebook paraqshasynda.
Onyń jazýynsha, medıtsınalyq mekemelerge qazirge deıin 31 zardap shegýshi túsken. Dese de, olardyń naqty sany qansha ekeni áli belgisiz. 
Eske salsaq, Arys qalasyndaǵy áskerı bólimniń qoımasynda jarylys bolǵandyǵy týraly habarlaǵan bolatynbyz. QR Qorǵanys mınıstrligi Arystaǵy jarylystan zardap shekkender joq ekendigin jarııalady.
Al QR Prezıdenti Qasym-Jomart Toqaev tıisti organdarǵa Arystaǵy áskerı bólimdegi oq-dári qoımasynda bolǵan jarylystyń zardaptaryn joıý týraly tapsyrma berdi.
