Ómirzaq Shókeev Almatyda qaıta jóndeý jumystary júrgizilip jatqan úılerdi aralap, jumys barysymen tanysty

Sonymen qatar «Saıran» yqsham aýdanynda úleskerlerdiń qatysýymen salynyp jatqan «2-shi kvartal», «20-shy kvartal», «29-shy kvartal» jáne «42-shi kvartal» turǵyn úı nysandarynyń jáne Qarasaı aýdanyndaǵy «Premer» turǵyn úı nysanynyń jumysymen tanysty.

Jalpy, búgingi kúni qala boıynsha 40 úıge qaıta jóndeý jumystary jasalmaq. Ó.Shókeevtiń aıtýynsha, bul úılerdiń barlyǵy jekemenshikke ótip ketkendikten, olardy qaıta jóndeý jumystaryn jasaýda barlyq qarjyny Úkimet bóle almaıdy. Alaıda úı turǵyndary men Úkimet birlesip, bul úılerge jóndeý jumystaryn jasaýǵa bel býǵan. «Bıyl bastalǵan bul jumystyń ár qyryna mán berip, kelesi jyldan bastap bul istiń aýqymyn 2-3 esege kótersek degen oıdamyz. Oǵan bıyl memleket qarjysynan respýblıka boıynsha 7,5 mıllıard teńge bólinse, kelesi jyly 16 mıllıard bólinbek. Bıýdjetti naqtylaǵan kezde bul kórsetkishti taǵyda kótersek degen oıdamyz», -dedi Ó.Shókeev.

Sonymen qatar, ol turǵyndar kúnnen-kúnge bul baǵdarlamaǵa senim artyp, qoldaý kórsetip jatqandyǵyn jetkizdi.