Ómirzaq Shókeev 8 balaly otbasynyń turmys jaǵdaıymen tanysty

TÚRKІSTAN. QazAqparat - Túrkistan oblysynyń ákimi Ómirzaq Shókeev «Qamqorlyq» baǵdarlamasy aıasynda kómek kórsetilgen Tólebı aýdany, Zertas aýyldyq okrýgindegi 8 balaly otbasynyń shańyraǵyna baryp, turmys-tirshiligimen tanysty, dep habarlaıdy QazAqparat óńir basshysynyń baspasóz qyzmetine silteme jasap.

Kómekke muqtaj Qýat Oralov shetteı bala-shaǵasymen alaqandaı bir bólmeli úıde turyp jatyr. Turaqty jumysy joq otbasy kámelet jasyna tolmaǵan balalaryna alatyn járdemaqyǵa jan baǵyp júr. Baǵdarlama aıasynda otbasyna qol ushyn sozǵan jergilikti kásipker jýyq arada úıiniń shatyryn jóndeýdi josparlaýda.

«Masyldyq pen muqtajdyqty ajyrata bilýimiz kerek. Muny ár azamat túsingen jón. Balalarǵa memleketten bólinetin járdemaqyny ózderine jumsaý qajet. Jerden asqan baılyq bar ma? Úıdiń aldyndaǵy baqshaǵa qajetti jemis-jıdek egip, balalardy eńbekke baýlý kerek. Bárimiz aýylda óstik. Adamdy adam etken, eńbek. Erteń úı salyp jatqanda da bir kisideı balalaryńyzben birge sol úıdiń qurylysyna kómektesý kerek», – dedi oblys ákimi.
Jalpy aýdan kóleminde turmystyq jaǵdaılary óte tómen, qıyn jaǵdaıdaǵy 86 otbasynyń tizimi jınaqtalǵan. Olardy jeke qamqorlyqqa alý maqsatynda qala, aýyldyq okrýgterdiń ákimderi, depýtattar men kásipkerler tartylyp otyr.