Ómirlik jaryńdy qalaı tańdaý kerek: Qazaqstan Prezıdentiniń bergen keńesi
«Qazirgi ýaqytta eger jas jigit boıjetkenmen tanysqysy kelse dıskotekaǵa barady. Orkestr qulaqqa túrpideı tıip, aıtqyń keletin sózdi aıta almaısyń, aıǵaılaısyń, sen ony, ol seni estimeıdi. Saǵan qyzyqty oryndarǵa baryp tanysýǵa tyrysý kerek. Eger eki adam bir-birine qarap turmaı, bir maqsatqa qaraı bet alsa - joldary bolady», - deıdi Memleket basshysy.
Prezıdent óz sózinde er adamdardyń áıelderge degen kózqarasyn ózgertý kerektigin atap ótti.
«Biz minezimizdi ózgertýimiz kerek. Áıelderge qarsy turmystyq zorlyq-zombylyq aıtamyz. Kúni búginge deıin keıbir memleketterde áıelderdiń erkektermen teń quqyǵy joq. Biraq, álem basqa baǵytta jyljyp barady. Qazir Batysta nelikten óte kesh otaý qurady? Óıtkeni, áıel táýelsiz ári qarjylyq jaǵdaı boıynsha erkekten derbes bolǵysy keledi. Ómirlerin rettegennen keıin múmkindigi mol ekeýi otaý quryp, ómir súre alady», - deıdi Elbasy.
Qazaqstan Prezıdenttiń aıtýynsha, mundaı teńquqyqtyq bostandyqqa kepil bola alady.
«Er adam da, áıel de erkin bolýy kerek. Biz erkekter qyzǵanamyz. Ol múlde paıdasyz! Men bul jaıly sizderge aıtyp otyrǵan qazirdiń ózinde, shynymen de solaı oılaımyn ba dep tolǵanyp otyrmyn. Biraq, osy ómirde solaı bolýy kerek», - deıdi Prezıdent.
Eske sala ketsek, búgin Nursultan Nazarbaev «Rýhanı jańǵyrý» baǵdarlamasy aıasynda uıymdastyrylǵan «100 jańa esim» jobasynyń 102 jeńimpazymen kezdes ti. Qazaqstannyń týyn bıikke kótergen sportshylar men aq halatty dárigerler, metsenattyqpen kózge túsken beldi kásipkerler men ǵalymdar, mádenıet pen qoǵamdyq salada el aýzynda júrgen azamattar Memleket basshysynyń jyly lebizine bólendi.
