Ómiriniń sanaýly kúnderi qalǵan brıtandyq Everest shyńyn baǵyndyrdy
ASTANA.QazAqparat - Іshek qaterli isigi dertine ushyraǵan Londonnyń 47 jasar turǵyny Ian Týthıll Everest shyńyn baǵyndyrdy. Onyń bıik taýdyń shyńyna shyǵýyna 20 kún ýaqyty ketti.
Ómiriniń nebári birneshe aı ǵana ýaqyty qalǵandyǵyn aıtqan dárigerlerdiń sózinen keıin ol barlyq kúsh-jigerin jınap, 5 maýsym kúni taýdyń ushar shyńyna shyqty.
Sheffıld qalasynda týyp, "Sheffıld ýensdeı" fýtbol klýbynyń jankúıeri bolǵan Ian ómirindegi sońǵy saıahatyna atalǵan komandanyń bas qarsylasy - "Sheffıld ıýnaıted" komandasynyń jalaýyn ala ketti. Onyń aıtýynsha, bulaı isteýine «ıÝnaıtedtiń» jankúıeri - ekspedıtsııaǵa myń fýnt sterlıngin berip, qaıyrymdylyq jasaǵan dosy ótinish bildirgen.
Shyń basyna shyǵýǵa qajetti qalǵan qarajatty Ian GoFundMe platformasy arqyly jınady. Qaısar alpınıstiń armanyn júzege asyrýǵa 700-ge jýyq adam úles qosyp, 35 myń fýnt sterlıng jınap berdi. Ian onyń 29 myńyn jumsap, qalǵanyn Makmıllandaǵy qaterli isik dertine shaldyqqandarǵa arnalǵan qaıyrymdylyq qoryna ótkizdi.
