Ómirim men jumysym sportpen tyǵyz baılanysty bolady – Olga Rypakova

NUR-SULTAN. QazAqparat – London - 2012 Olımpıadasynyń chempıony, Beıjiń-2008 jáne Rıo-2016 Olımpıada oıyndarynyń júldegeri Olga Rypakova aldaǵy josparlary týraly suraqtarǵa jaýap berdi, dep habarlaıdy QazAqparat tilshisi.

«Men bul másele týraly áli oılanbadym, biraq bir nárseni aıtaıyn: bul - meniń sportshy retindegi sońǵy Olımpıadam. Josparlar týraly aıtýǵa áli erte, azdaǵan ýaqyt ótsin, biraq bolashaqta da meniń ómirim men jumysym sportpen tyǵyz baılanysty bolady dep oılaımyn», - dedi O. Rypakova Ortalyq kommýknıkatsııalar qyzmetinde.

Ol bolashaqta ózin sportpen baılanysty salada kóretinin atap ótti.

«Meniń maqsatym, meniń tilegim – Qazaqstandaǵy sporttyń, onyń ishinde jeńil atletıkanyń damýyna taǵy da úles qosý. Men áli de kómekteskim keledi, bizdiń elimizde jeńil atletıkadan Olımpıada men Álem chempıondary kóp bolǵanyn qalaımyn. Ómirdiń aǵysy qalaı bolatynyn qarap kóreıik», - deıdi jeńil atlet.

Sportshy óz qyzynyń da ómiri men qyzmeti kásibı sportpen baılanysty bolsa, jan-jaqty qoldaý kórsetetinin aıtty.

Aıta keteıik, búgin Tokıo Olımpıadasynda úsh qarǵyp sekirýde qazaqstandyq Olga Rypakova fınalǵa óte almady.

Sportshy buǵan deıingi úsh Olımpıadada da júldegerler qatarynan kórindi. 2008 jyly kúmis, 2012 jyly altyn, 2016 jyly qola júldeger atandy.

Olga Rypakova baspasóz máslıhatyn ótkizip, jankúıerlerine alǵys aıtty.