Ómirge bir-aq ret kelemiz: Astanadaǵy jol apattarynyń saldary jaıly vıdeo jarııalandy
ASTANA. QazAqparat - «Astana LRT» Feısbýktegi paraqshasynda avtomobıl júrgizýshilerine jol erejesin buzýdyń saldary jaıly vıdeony usyndy, dep habarlaıdy QazAqparat.
«Nazarlaryńyzǵa árbir avtomobıl júrgizýshisi kórýi tıis vıdeony usynamyz. Astana qalasy qoǵamdyq kelisim basqarmasynyń qyzmetkerleriniń bastamasymen rolık vıdeooıyn túrinde montajdaldy. Onda kólik basqarýmen oınaýǵa bolmaıtyny baıandalady. Rolık sońyndaǵy tsıfrlar kez kelgen adamdy oılantady», - delingen «Astana LRT» habarlamasynda.
Eske sele keteıik, aqpan aıynda elordanyń Turan dańǵylyndaǵy Bus Lane-da «Chevrolet Cruze» markaly jeńil kólik avtobýspen soqtyǵysyp, saldarynan 30 jastaǵy jolaýshy aýrýhanaǵa jatqyzylǵan bolatyn.
