Ómirde joq adamdarǵa quttyqtaý hattaryn jibergeni úshin Shveıtsarııa poshtasy keshirim surady
ASTANA. 6 qazan. QazAqparat - Shveıtsarııa poshtasy ómirde joq adamdarǵa jańa orynǵa kóshýine oraı ornyqty jaıǵasýlaryn tilep jibergen quttyqtaý hattary úshin keshirim surady. Bul týraly Agence France-Presse habarlaıdy.
Poshta qyzmetiniń aıtýynsha, quttyqtaý hattary qaıtys bolǵandardyń týystary ózderiniń korrespondentsııalaryn jańa mekenjaıǵa rásimdegennen keıin avtomatty túrde jiberilgen.
Túsiniktemege sáıkes, Shveıtsarııa poshtasy osy jaǵdaı týraly ókinish bildirip, budan bylaı mundaı aǵattyqqa jol bermeýge baǵyttalǵan tıisti sharalar qoldanǵan.
Qansha otbasy osyndaı hattar alǵandyǵy habarlanbaıdy, biraq olardyń bárinen keshirim suralǵandyǵy aıtylǵan.
