Ómiráli Nyshan Sochıde ótken Búkilálemdik oıyndardyń chempıony atandy (FOTO)
ASTANA. QazAqparat - Ómiráli Nyshan Reseıde ótken aıaq-qoldary kembaǵal jáne arbaǵa tańylǵan jandardyń Halyqaralyq federatsııasy ótkizgen Búkilálemdik oıyndarynda úzdik shyqty. Múmkindigi shekteýli jandarǵa arnalǵan oıyndar 26 qyrkúıek pen 3 qazan aralyǵynda Sochı qalasynda ótti. Jarysqa álemniń 40 memleketinen 550-den astam sańylaq qatysyp, baq synady.
Oıyndar baǵdarlamasyna armrestlıng, jeńil atletıka, júzý, sadaqpen atý jáne ústel tennısi kirdi. Sondaı-aq bıyl birinshi ret mundaı jarysqa taekvondo sporty qosylǵanyn aıta ketý kerek, dep habarlaıdy Qazaqstan taekvondo federatsııasynyń baspasóz qyzmetinen. Parataekvondodan el namysyn eki sańylaq qorǵady. Olardyń arasynda Ómiráli Nyshan boldy. Bas bapker Talǵat Nurbaev qos azamatymyzdyń ónerin joǵary baǵalap, keremet nátıje kórsetkenin basa aıty. Sońǵy jyldardardaǵy álemdegi eń úzdik parataekvondoshysyna aınalǵan Ómiráli Nyshan bul joly da kózge tústi. Qandasymyz resmı jarystardyń barlyǵynda turaqty nátıje kórsetip, júldesiz oralmaýdy dástúrge aınaldyrǵan. Bul joly ol ózin Sochıde ótken Búkilálemdik oıyndarynda kórsetti: qanjyǵasyna altyn baılap, fınalda Reseı ókili Gazaev Spartaktan basym tústi. Jergilikti jankúıerler qoldaýyna qaramastan, Ómiráli Nyshan úzdik shyǵyp, chempıon atandy. Álem chempıony Ázerbaıjan ókili Aleksandr Polışýk 3-shi oryn alǵanyn aıta ketý kerek. Esterińizde bolsa, qyrkúıek aıynda ótken álem birinshiliginde ol fınalda qandasymyzdan aılasyn asyryp, úzdik atanǵan edi. Búkilálemdik IWAS oıyndary eń alǵash ret 1948 jyly Ulybrıtanııada ótken bolatyn.
