Ómiráli Nyshan parataekvondodan álem chempıonatynda kúmis oljalady (FOTO)
ASTANA. QazAqpart - Ómiráli Nyshan parataekvondodan álem chempıonatynda kúmis júldege qol jetkizdi, dep habarlaıdy Qazaqstandyq taekvondo (WTF) federatsııasy" QB baspasóz qyzmeti.
Ókinishke oraı qandasymyz byltyrǵy jylǵy jetistigin qaıtalaı alǵan joq. Degenmen de nátıje jaman emes. K42 +75 keli salmaq dárejesinde sońǵy jyldardaǵy qazaqtan shyqqan úzdik sańlaǵymyz jartylaı fınalda jergilikti halyq úmit artqan Iyldyz Ýgýrdan basym tústi. Fınalda Ómirálige qarsy álem reıtınginde birinshi orynda turǵan Ázerbaıjan ókili Aleksandr Polışýk shyqty. Bul teke-tires búkil jarystyń eń tartysty jekpe-jekteriniń birine aınalyp, qandasymyz negizgi qarsylastarynyń birine jol berip qoıdy.
Osylaısha Ómiráli Nyshan sońǵy eki jylda ótken álem birinshiliginde eki ret kózge túsip otyr. Byltyr qandasymyz dál osy salmaq dárejesinde álem chempıony atanǵan bolatyn. Bul joly Ómiráli kúmis júldege qanaǵat tutty.
Ókinishke oraı, el namysyn qorǵaǵan ulttyq quramanyń qalǵan 4 sańlaǵy, Bas bapker Talǵat Nurbaevty qýanta almady.
Parataekvondodan 6-shy álem chempıonaty 17 qyrkúıek kúni Túrkııanyń Samsýn qalasynda ótken bolatyn. Tuńǵysh ret birinshilikke G8 dárejesi berilip otyr. Bıyl bul sport túri 2020 jyly Tokıo qalasynda ótetin Paralımpıada oıyndarynyń baǵdarlamasyna engizilgenin aıta ketý kerek.
