«Ómir syıla» respýblıkalyq aktsııasy: Erikti donorlar qan tapsyrdy

NUR-SULTAN. QazAqparat – Álem jurty 5 jeltoqsanda Volonter kúnin atap ótedi, dep habarlaıdy QazAqparat.

Merekeniń tolyq ataýy - Ekonomıkalyq jáne áleýmettik damý úshin eriktilerdiń halyqaralyq kúni. BUU Bas Assambleıasy ony 1985 jyly engizýdi usyndy. Sol kezden bastap mereke resmı ataýy men halyqaralyq dárejesine ıe boldy.

Qaıtarymsyz is-áreket qazirgi qoǵamda óte sırek kezdesedi, biraq asa qajet. Volonterler halyq úshin eńbek etip, qaıtarymyna eshteńe suramaıdy.

Qazaqstannyń halyq partııasynyń astanalyq bóliminiń ókilderi Volonter kúnin respýblıkalyq «Ómir syıla» aktsııasyna qatysyp, atap ótti. QHP erikti-donorlar toby respýblıkamyzdyń túrli medıtsınalyq ortalyq pen emhanalarynda qan tapsyrdy.