Ómir shejiresi: Ulttyq bank jańa kollektsııalyq monetany aınalymǵa shyǵarady

NUR-SULTAN. QazAqparat - Qazaqstan Ulttyq banki ÓMIR SHEJIRESI kollektsııalyq monetalaryn aınalymǵa shyǵarady, dep habarlaıdy QazAqparat.

Monetalardyń qaı kúni satylymǵa shyǵatyny týraly aqparat QUB resmı saıtynda qosymsha habarlanady.

Nomınaly 777 jáne 7 777 teńgelik altyn jalatylǵan ÓMIR SHEJIRESI kollektsııalyq kúmis monetalary «Sıqyrly nyshandar» serııasyn jalǵastyrady. Ádettegi standartqa jatpaıtyn nomınaldardyń sandyq belgileri moneta óndirisinde alǵash ret qoldanylyp otyr.

«ÓMIR SHEJIRESI» (ómir shejiresi) – túrki halyqtarynyń ónerinde jıi kezdesetin nyshandardyń biri, eki álemniń – Jer men kóktiń shartty-sımvolıkalyq ózara baılanysyn bildiretin shejirelik jazý.

Kóne túrkilerdiń dúnıetanymynda ómir aǵashy jerdi tamyrymen ustap turǵan, al táji aspandy ustap turǵan, onda Kún men jaryqtyń sımvoly retinde altyn jumyrtqa salatyn qasıetti Samuryq qus ómir súrgen.

Moneta sıpattamasy

Moneta aversiniń ortalyq bóliginde Qazaqstan Respýblıkasynyń Memlekettik eltańbasy oıý-órnek betinde beınelengen. QAZAQSTAN RESPÝBLIKASY ∙ REPUBLIC OF KAZAKHSTAN jazýy aınaldyra jazylǵan.

Tómengi bóliginde – Qazaqstan teńge saraıynyń taýar belgisi (logotıpi) men massasy 777,5 gramdyq monetada – 7777 TEŃGE, massasy 31,1 gramdyq monetada – 777 TEŃGE jazýy bar.

Monetalardyń joǵarǵy bóliginde – soǵylǵan jylyn bildiretin «2021» jazýy, sol jáne oń jaǵynda – daıyndalǵan metaldy, synamasy men monetalardyń salmaǵyn bildiretin jazýlar kórinis tapqan.

Joǵarǵy bóliginde – ÓMIR SHEJIRESI jazýy bar.

Monetalardyń reversinde ómir aǵashy men altyn jumyrtqanyń stıldendirilgen beınesi ornalasqan. Tómengi bóliginde «ÓMIR SHEJIRESI» degen jazba bar.

Kollektsııalyq monetalar Qazaqstan teńge saraıynda daıyndalǵan.