Omıkronnyń «kentavr» shtamyna tán jańa sımptomdar belgili boldy

NUR-SULTAN. QazAqparat – Úndi ǵalymdary omıkronnyń «kentavtr» shtamy sımptomdary koronavırýs ınfektsııasyna tán emes ekendigin anyqtady, dep habarlaıdy QazAqparat tilshisi Ózbekstannyń densaýlyq saqtaý mınıstrligine silteme jasap.

Vedomstvo málimetinshe, úndi ǵalymdarynyń zertteýi omıkronnnyń «kentavtr» shtammynyń VA 2.75 genomynda 16 mýtatsııa bar ekendigin kórsetti.

Demek, koronavırýstyń bul túri aǵzanyń qorǵanys mehanızmine jeńil áser etedi degen sóz. sonymen qatar onyń juǵý kórsetkishi «omıkronnyń» buǵan deıingi túrinen 16% joǵary bolyp otyr.

Dáriger zertteý barysynda «kentavrdyń» mýtatsııa protsesinde jańa sımptomdar kórsete bastaǵanyn anyqtady.

Máselen, buǵan deıin VA 2.75 genomymen túsken naýqastar negizinen denesindegi, bulshyq etindegi, sonymen qatar arqasy men bas aýrýyna shaǵymdanatyn.

Endigi ýaqytta osy sımptomdarǵa kóz aýrýymen baılanysty belgiler qosylyp otyr.

«Sarapshylar «kentavr» mýtatsııasy dıagnozy qoıylǵan keıbir patsıentter qatty jaryq kezde kózderin áreń ashatynyn aıtyp jatyr. Olar kóz qarashyǵyndaǵy aýyrsynýdy sezinedi», - delingen Ózbekstan densaýlyq saqtaý mınıstrligi taratqan aqparatta.