Omıkron shtamynyń taralýyna baılanysty Davostaǵy forým ótpeı qaldy

NUR-SULTAN. QazAqparat – Davostaǵy forým omıkron shtamynyń taralýyna baılanysty keıinge qaldyryldy. Bul týraly QazAqparat Covid-19 taralýyna jol bermeý jónindegi VAK telegram kanalyna silteme jasap habarlaıdy.

Bastapqyda is-shara qańtar aıynyń sońyna josparlanǵan bolatyn, alaıda jaz mezgiline aýystyryldy. «Qatań medıtsınalyq hattamalarǵa qaramastan «omıkron» shtamynyń taralý jyldamdyǵy jáne onyń sapar men qozǵalysqa áseri forýmdy keıinge qaldyrýdy qajet etti», — dep túsindirdi uıymdastyrýshylar.

Qytaıda úsh jastan 11 jasqa deıingi 140 mıllıon bala koronavırýsqa qarsy egildi. Qytaı aýrýlardy baqylaý jáne aldyn alý ortalyǵynyń habarlaýynsha, balalarda baıqalǵan janama áserlerdiń jıiligi eresekterge qaraǵanda tómen. Kámeletke tolmaǵandar vaktsınatsııa týraly tolyq habardar bolǵan jáne ımmýndaýdan ótýdi qalaǵan jáne kelisken jaǵdaıda ǵana ekpe saldyra alady.
AQSh-ta 12 myńnan astam áskerı adamdary dinı sebepterge baılanysty vaktsınatsııadan bosatýdy surady. Military Times málimetteri boıynsha ázirge suraýlardyń eshqaısysy qanaǵattandyrylǵan joq. Áýe kúshteriniń áskerı qyzmetshileriniǵ kópshiligi, ıaǵnı 4 700-den astam áskerı vaktsınatsııaǵa qarsy shyqty, gazette jarııalanǵandaı, bul ásker qolbasshylyǵy úshin kútpegen jaǵdaı boldy.