Omıkron shtamynyń saldarynan reıster alynyp tastalýda

NUR-SULTAN. QazAqparat – Omıkron shtamynyń taralýy Amerıka Shtattaryndaǵy áýe qatynasyn qıyndatty. Sońǵy táýlikte jańa shtamnyń saldarynan 700 reıs alynyp tastaldy. Sebebi ushqyshtar men ekıpajdyń basqa músheleri jetkiliksiz, dep habarlaıdy QazAqparat Euronews-ke silteme jasap.

«Delta iri áýe kompanııasynyń bas dırektory aýrýlardy baqylaý jónindegi ortalyqtan kovıdten keıingi karantın ýaqytyn azaıtýdy surady. Onyń aıtýynsha, qyzmetkerlerdi osynsha uzaq ýaqytqa karantınge jiberip, áýe kompanııasyn basqarý múmkin emes», - dedi saıahat boıynsha keńes berýshi Saımon Kalder.

Eýropalyq Odaqta ázirge qyzmetkerler jetispeýshiligi baıqalmaıdy. Kóbine Ulybrıtanııada ushatyn reıster alynyp tastalýda.

Koronavırýstyń jańa shtamy álem boıynsha saıahatshylar men týrıstik kompanııalarǵa zııan keltiredi.